Американски судија отфрли тужба од медицински персонал кои оспоруваат задолжителна вакцинација


 Американски судија ја отфрли тужбата поднесена од над 100 вработени во една од најголемите болници во државата Тексас, кои ја оспоруваа задолжителната вакцинација против Ковид-19.


 

Минатата недела мрежата на Методистичката болница во Хјустон отстрани 178 членови од нејзиниот персонал кои одбија да бидат вакцинирани од кои 117 од нив поднесоа тужба со барање да се повлече обврската и да бидат вратени на работа.

Сепак, судијата Лин Хјуз ја одби жалбата. Тврдењето дека вакцините се „експериментални и опасни“ е невистинито и несоодветно, тврди тој.

„Да се ​​бара лице да се вакцинира за да биде вработено не е присилување“, додаде тој.

Скоро 25.000 вработени во мрежата на болницата се вакцинирани. Дваесет и седум од преостанатите 178 вработени веќе ја примиле првата доза и нивните договори нема да бидат раскинати доколку примат и втора доза.

Повеќе од 173 милиони луѓе – повеќе од половина од 330 милиони луѓе во САД – примиле барем една доза вакцина. Сепак, според истражувањето во декември, скоро 30 проценти од здравствените работници во САД не сакаат да се вакцинираат.