Мицкоски: Владата и Заев креираат хаос и се наддаваат за спорот со името, јасен знак за неспособност поради која мора да си одат


Пред очите на целата јавност гледаме како се одвива вистински хаос креиран од владата и премиерот во поглед на најсуштинското прашање, а тоа е спорот со нашиот јужен сосед, пишува лидерот на ВМРО-ДПМНЕ, Христијан Мицкоски на својот Фејсбук профил.



-Збунувачки за целата јавност е што меѓународен медиум тврди дека Премиерот Заев рекол дека би се согласил на одредени измени на Уставот, а еве денес владата го дообјаснува и вели дека тоа не е така. Пред некој ден Заев тврдеше дека решението кое се разговара со Грција треба да биде преведено на сите светски јазици, додека предлогот на медијаторот Нимиц предвидува името на државата да биде на Македонски јазик со латинични букви, без превод, т.е., да се преведува според вољата на спротивната страна. Претходно, според тврдењето на многу присутни новинари, на владиниот брифинг премиерот Заев тврдел дека референдум за името не е неопходен во овие моменти дури и ако се постигне согласност со Грција за некое прифатливо решение, а кога е пред камерите тврди сосема друго. И како да не беше доволно што јавно лицитираше став дека е прифатливо име со географска одредница, па сега продолжува понатаму и во странски медиум надава со конкретни имиња за државата во исто време кога од грчка страна имаме засилување на максималистичките барања. Вистинската дилема што е следно, и дали утре ќе излезе некој од владата да го дообјасни за овој негов последен став? Кои се јасните позиции на владата и зошто постојано се поместуваат црвените линии ако воопшто владата ги има? Наместо лицитирање по медиуми потребна е сериозна дипломатија со која ќе се заштити идентитетот на Македонија и македонците, националните и државни интереси. Од она што може да се воочи Владата и премиерот се водат по принципот “пиши-бриши” политика која е исклучително опасна и со која трајно се нанесува штета на позициите на Република Македонија кон ова најважно за нас прашање. Демонстрирањето на аматеризам и неспособност е јасен знак дека оваа влада мора да си замине и тоа час поскоро, пишува тој.


Бизнис и економија

Задолжително пензионирање на 64-годишна возраст, останува можноста жените да се пензионираат со навршени 62 години

– Измените на Законот за работни односи со кои се предвидува задолжително пензионирање на 64-годишна возраст, поднесени од група пратеници, влегоа во собраниска процедура и го поминаа првото читање. Исклучоци во јавниот сектор ќе има […]

Вести

Продолжуваат разговорите со Бугарија, македонскиот јазик и идентитет се црвените линии

– Разговорите за надминување на несогласувањата со Бугарија продолжуваат деновиве на ниво на работни групи, предводени од министрите за надворешни работи на двете земји, а македонскиот јазик и македонскиот идентитет се црвените линии во преговорите […]

Вести

Регистрирани 1022 нови случаи на Ковид- 19 во земјава, починаа 41 лице

Министерството за здравство информира дека во последните 24 часа се направени 3127 тестирања, а регистрирани се 1022 нови случаи на ковид-19 во: Скопје-463, Куманово-30, Дебар-6, Штип-28, Прилеп-68, Тетово-29, Струга-21, Велес-47, Битола-48, Охрид-28, Кавадарци-26, Гостивар-66, Гевгелија-4, […]

Биди првиот кој ќе коментира

Вашиот коментар

Твојата е-маил адреса нема да биде објавена.


*