Ивор Мицковски: Вака слабокрвен, апатичен и корумпиран народ не ни заслужува ништо подобро

Општина Центар ќе дозволи изградба на втора висококатница кај Холидеј Ин, Карпош ги блокира спортските сали за клубовите и децата, затоа што во Советот го блокираат од градење на висококатница.

Тоа што е индикативно и за двата случаи е што владејачката партија стои и зад двата обиди да се силува јавниот интерес и простор, иако дојдоа на власт со ветувања дека ќе запре дивиот урбанизам и урбанистичката мафија.

Само се здружија со тие што наводно ќе одговараа.

Напротив, во нивно време повеќе се гради и повеќе дозволи се издаваат, се прави невиден криминал и се дигаат дивоградби насекаде.

Граѓаните беа предадени од оние кои ги направија власт, а за возврат добија уште поголемо насилие и самоволие, комплетно губење на критичкиот глас и на моќта нешто да се промени.

Измама на векот и се случи на цела држава.

Но, вака слабокрвен, апатичен и корумпиран народ не ни заслужува ништо подобро.

Facebook
Twitter
LinkedIn