Во Тотенхем биле многу разочарани од формата на Бејл



ript>


 

Тотенхем биле „крајно разочарани“ од формата и учинокот на Герет Бејл при враќањето во клубот од северен Лондон, каде што пристигна како позајмен фудбалер од Реал Мадрид, тврди шпанскиот весник „АС“.

Во Лондон веднаш стана јасно дека Бејл не е истиот фудбалер кој „уништуваше“ во последната премиерлигашка сезона пред рекордниот трансфер во Мадрид. Тој има 11 настапи за тимот на Жозе Мурињо и 3 постигнати голови, но само еден во Премиер лигата. Бејл има одиграно само 161 минута од можните 900 во Премиер лигата и управата на клубот е разочарана и тешко дека ќе се реши да го врати постојано Велшанецот во својот клуб, посебно бидејќи тој има уште една сезона договор со Реал, иако е тешко да се верува дека ќе заигра за „кралевите“.

Бејл стрелаше при 2:1 победата во Карабао купот против Стоук, но одигра само едно полувреме, по што Мурињо откри дека побарал да биде заменет бидејќи има мала повреда.