Вилијамсон во цифри: Зајон започна со рекорди во своето деби


Долгоочекуваниот и одложен за неколку месеци настан се оствари вчеравечер – Зајон Вилијамсон го направи своето официјално деби за Њу Орлеанс во НБА. Бр.1 на последниот Драфт одигра неколку импресивни претсезонски дуели, но искинатиот менискус го претворија во гледач некое време, за да се стигне до домашниот меч синоќа против Сан Антонио. Сите очи беа прицврстени на тешкото крило на „Пеликаните“ со дресот број 1, а тој не разочара, иако својата професионална кариера ја започна со пораз (117: 121).

 

Тинејџерот, висок 198 сантиметри, постигна 22 поени за 18:18 минути игра, што беше едно од многуте статистички достигнувања што ги истакнаа американските аналитичари во дебито на Зајон. 19-годишниот талент завршија со 4/4 од тројка, откако немаше постигнато повеќе од 3 тројки во ниту еден натпревар за време на неговата колеџ кариера. Вилијамсон ги нанижа четирите успешни удари од далечина за само 2:34 минути и е првиот кошаркар во историјата на НБА кој постигнал 4/4 на својот прв натпревар на највисоко ниво.

 

Седумнаесетте последователни поени што ги постигна во 3:29 минути во четвртиот дел пак го изедначија најефикасното постигнување на дебитант во една четвртина во последните 20 години во Лигата. Тешкото крило постави и рекорд за поени постигнати како дебитант на Њу Орлеанс. Досега, најголемо достигнување беше дело на Ентони Дејвис – 21 година во 2012 година, а тогаш ривал на тимот е повторно Сан Антонио.

 

22 постигнати поени го поставија Вилијамсон на врвот на другите две рангирања, кои постојат од сезоната 1954/1955, кога правилото од 24 секунди за прекршок беше вклучено во НБА. Зајон постигнува најмногу поени за 20 минути или помалку, како и најмногу поени во минута – 1,20, откако запиша 18 одиграни минути.


Вести

Нови 53 случаи со коронавирус, вкупно 483, евидентирани пет починати

Во изминатото деноноќие потврдени се 53 нови случаи позитивни на Ковид- 19, со што вкупната бројка на дијагностицирани изнесува 483 лица, На Клиниката за инфективни болести и фебрилни состојби во Скопје починаа двајца пациенти заболени […]

Вести

Русија: Во јуни тестирање на вакцина за Ковид-19 на луѓе

Тестирањата на новиот прототип на вакцини против новиот коронавирус на животните ќе бидат завршени кон крајот на април, а тестирањето на луѓе ќе почне во јуни, изјави Ринат Максјутов, генерален директор на Новосибирскиот векторски државен […]

Вести

Четиринаесет медицински лица од штипското Инфективно одделение превентивно во самоизолација

 – Двајца лекари инфектолози, осум медицински сестри и четворица болничари од штипското Инфективно одделение се ставени во самоизолација, по наредба на здравствен санитарен инспектор, откако е утврдено дека имале контакт со 80-годишна пациентка, која била […]