Возачот на Гресини, Фабио ди Џанантонио, ја оствари првата победа во кралската класа.Италијанецот кој нема ангажман за следната година, победи на претпоследната трка во сезоната, Голема награда на Катар.

Популарниот Диџја, втора година по ред му донесе на Гресини триумф во Катар, бидејќи минатата сезона славеше на Енеа Бастианини, кој сега вози за фабричкиот тим на Дукати.

Ди Џанантонио претходно имаше една победа во категоријата Мото2 и две во Мото3, а најголемиот успех во најсилната класа го постигна со три секунди предност пред актуелниот светски првак и лидер во шампионатот, Франческо Бања.

Третото место во Катар му припадна на возачот на ВР46, Лука Марини.

Бањаја на три круга до крајот остана без првото место, но може да биде презадоволен од крајниот исход, бидејќи неговиот единствен конкурент за титулата, Хорхе Мартин заврши на 10.место.

Бањаја имаше одличен старт, од четвртото се проби на првото место, за разлика од Мартин кој по стартот падна од петтото на осмото место. До крајот на трката Мартин имаше проблеми со задната гума и 10.позиција беше максимунор за него.

Во пресрет на последниот викенд во Валенсија Бањаја има 21 поен повеќе од Мартин.