Роналдо сам ќе одлучи дали ќе игра против Специја



Роналдо, Де Лихт и Киелини остануваат во Јувентус - МИА

Торино, 1 ноември 2020 () – Сè уште не е познато дали напаѓачот на Јувентус, Кристијано Роналдо ќе може да учествува во натпреварот од 6. коло на италијанскиот шампионат со Специја (попладне од 15 часот).


 

Самиот Португалец ќе ја процени својата состојба пред дуелот и ќе одлучи дали е подготвен да игра, пренесува Тутоспорт.

Можно е Роналдо да го пропушти следниот натпревар и да се подготви за натпреварот од групната фаза во Лигата на шампионите против Ференцварош (4 ноември).

За потсетување, на 13 октомври на Роналдо му беше дијагностициран коронавирус за време на репрезентативниот собир на Португалија. Фудбалерот се врати во Торино и отиде во самоизолација. На 30 октомври, неговиот нов тест беше негативен.

Во тековната сезона, Роналдо одигра два натпревара во Серија А и постигна три гола.