Одбојкарките на Јанта Волеј ја освоија шампионската титула


Екипата на Јанта волеј ја комплетираше сезоната во македонската женска одбојка со двојна круна, откако по триумфот во националниот куп, вечерва ја освои и шампионската титула, совладувајќи го во супер интересна мајсторка од финалната серија тимот на Вардар жени 2019 на гости со 3:2 (22:25, 26:24, 14:25, 26:24, 15:11).


 

„Црвено-црните“ водеа двапати, но ривалките израмнуваа, а во решавачкиот петти сет не дозволија вардарки да поведат ниту еднаш. Клучно беше тоа што составот на Јанта волеj во тој сегмент не направи ниту една грешка, а на своја страна ја имаше извонредната Украинка Валерија Собол која беше сигурна во одлучувачките моменти.

За екипата на Јанта волеј ова е трет шампионски пехар во клупската историја, по титулите во 2017 и 2019 година, а сезонава претходно триумфираа и во Македонскиот куп, совладувајќи ги одбојкарките на Вардар во финалето во Струмица.