ЛН: Лудо реми меѓу Германија и Швајцарија, Украина ја шокираше Шпанија!



 

Германија и Швајцарија одиграа лудо 3:3 реми во Келн, додека Украина со 1:0 ја совлада Шпанија за ситуацијата во групата 4 од Лигата А во Лигата на нации на УЕФА да се искомпликува.

„Маншафт“ на Јоаким Лев немаа најдобар старт на мечот, откако прво Марио Гаврановиќ им даде гол по само шест минути игра, а Ремо Фројлер постигна прекрасен гол во 26. минута за 0:2. Германците веднаш одговорија преку Тимо Вернер во 28. минута, но на полувреме се отиде со предност на гостите.

Ѕвездата на Челси, Каи Хаверц во 55. минута израмни, но Гаврановиќ само три минути подоцна пак донесе водство за Швајцарците. Серж Гнабри во 60-тата минута повторно израмни и ова беше конечен резултат.

Бидејќи Украина со голот на замената Виктор Циганков во 76. минута стигна до 1:0 победа над Шпанија, сега борбата за првото место ќе биде интересна – Шпанците се први со 7 поени, Германците и Украинците имаат по 6, а Швајцарците само 2.

ЛИГА НА НАЦИИ, 4.КОЛО

ЛИГА А, ГРУПА 4

Германија – Швајцарија 3:3

Украина – Шпанија 1:0

Табела: 1.Шпанија 7, 2.Германија 6, 3.Украина 6, 4.Швајцарија 2

ЛИГА Ц, ГРУПА 1

Азербејџан – Кипар 0:0

Црна Гора – Луксембург 1:2

Табела: 1.Луксембург 9, 2.Црна Гора 9, 3.Азербејџан 4, 4.Кипар 1

ЛИГА Д, ГРУПА 1

Летонија – Малта 0:1

Фарски Острови – Андора 2:0

Табела: 1.Фарски Острови 10, 2.Малта 5, 3.Летонија 3, 4.Андора 2

ЛИГА Д, ГРУПА 2

Лихтенштајн – Сан Марино 0:0

Табела: 1.Гибралтар 6, 2.Лихтенштајн 4, 3.Сан Марино 1