Капитенот на кошаркарите на Партизан го продолжи договорот за уште две години, соопшти денеска белградскиот клуб.

Пантер со тоа стави точка на шпекулациите кои циркулираа изминатите денови во европските медиуми дека американскиот кошаркар ќе ги напушти редовите на „црно – белите“ и ќе ја продолжи кариерата во Барселона.

Пантер сезонава го предводеше Партизан до седмата титула во регионалната АБА лига, прва по една деценија, и беше прогласен за најкорисен играч (МВП) во финалната серија против градскиот ривал Црвена ѕвезда.

Американецот, исто така, беше еден од клучните кошаркари за пласманот на Партизан во четвртфиналето во Евролигата, во кое белградскиот клуб испушти водство од 2-0 во серијата до три победи против Реал Мадрид.