Уапсени две лица како дел од истрагата за перење пари во фудбалот по акции во Лондон, Белгија и Монако

Полициската истрага за наводна измама во врска со трансферот на српскиот репрезентативец Александар Митровиќ во Њукасл Јунајтед спроведе акции во Лондон, Белгија и Монако, приведувајќи две лица, меѓу кои и агент, соопштија белгиските обвинители.

Истрагата, при која претходно беше спроведена и рација во канцелариите на белгискиот фудбалски сојуз, е поврзана со сомневање за перење пари во врска со трансферот на Митровиќ од 18,5 милиони фунти од Андерлехт во Њукасл во 2015 година. Под раководство на белгиски судија за корупција, полицијата и даночните власти извршија рации во вторникот и средата, апсејќи агент во Монако и неговиот помошник во белгискиот град Лиеж.

– Фактите вклучуваат, пред сè, перење пари и корупција во контекст на фудбалските трансфери на играчи, се вели во изјавата на обвинителите.

Случајот нема никаква врска со т.н. скандал „фудбалгејт“ во Белгија од октомври 2018 година, во кој има 20 осомничени лица, вклучително агенти, судии и вработени во клубови, во голема истрага за измама и местење на натпревари.

Митровиќ, чијшто стил на играње му донесе почит кај приврзаниците на Њукасл, помина три сезони на „Сент Џејмс парк“ пред да се пресели во Фулам во 2018 година. Неговиот трансфер од Андерлехт, најуспешниот клуб во Белгија, ги вклучија агентите Пини Захави и Фали Рамадани, претходно го објави весникот „Дерниер Хуере“ за време на првичните акции во април. Обвинителите не објавија никој со име за истрагата, но извор од судот потврди џа АФП во април дека трансферот на Митровиќ е дел од истрагата.

При претходните полициски акции беа пребарани и тренинг-базата на Андерлехт, канцелариите на белгискиот фудбалски сојуз, како и канцелариите на „Уан Гол Менаџмент“, која е специјализирана за трансфери.

Кривичната истрага е дополнување на проблемите на Андерлехт на теренот, каде 34-кратниот шампион во Белгија се наоѓа на 13-тото место во Шампионатот со само една победа во неговите шест лигашки дуели оваа сезона.

Вести

Хаос во комисијата со Бугарија: Ни Гоце е Македонец, ниту народот може да е македонски

Пошироката јавност се уште не ги знае сите детали од хаосот што се случувало на последната средба на историската комисија со Бугарија. Извори блиски до членови на бугарскиот преговарачки тим тврдат дека не бил проблем […]

Балкан

Земјотреси во Албанија попладнево почувствувани во земјава

Два земјотреса со магнитуди од 5.8 и 5.5 степени по Рихтер во период од десетина  мунити е случија попладнево во близина на Драч, Албанија, објави Европско-медитеранскиот сеизмолошки центар, а беа почувствувани и во нашата земја. […]

Вести

Боки 13 во понеделник, Јанева во вторник на распит кај Русковска

Осомничените за случајот „Рекет“ Бојан Јовановски – Боки 13 и Катица Јанева повторно се повикани на распит во Јавното обвинителство за организиран криминал и корупција. – Бојан Јовановски – Боки 13 е повикна да даде исказ […]