Нејмар ќе биде ставен на продажба по налог на катарското раководство на ПСЖ


Пари Сен-Жермен планира да се раздели со напаѓачот Нејмар во летниот преоден рок, пишува „Le Parisien“.


 

Според изданието, 30-годишниот играч ќе мора да биде ставен на продажба по директни инструкции на претставниците на Катар, кои го поседуваат тимот.

Заминувањето на Бразилецот може да се поврзе и со потпишувањето на нов милионски договор со напаѓачот Килијан Мбапе.

Сепак, финансиските барања на Нејмар може да го спречат ПСЖ брзо да се раздели со својата ѕвезда. Нејмар кој неделно заработува околу 580 илјади, постигна 13 гола и имаше осум асистенции на 28 натпревари во сите натпреварувања оваа сезона.