ЛШ: Рекордни 38 клубови на „менито“ на Меси


Еден од најдобрите фудбалери на сите времиња Лионел Меси вечерва на својата листа додаде уште еден клуб против кој постигнал гол на натпреварите во рамки на Лигата на шампиони (ЛШ).


 

Фудбалерот на годината во изборот на „Франс фудбал“ беше двоен стрелец во триумфот на ПСЖ над Клуб Бриж (4:1) во завршното шесто коло во групата А.

Меси биеше прецизно во 38-та и 76-та минута од пенал, откако претходно Килијан Мбапе му донесе двојна предност на францускиот тим веќе по воведните седум минути.

Клуб Бриж е 38. различен клуб против кој Меси постигна гол во елитното европско клупско натпреварување што досега не му успеало на никој друг.