Доколку ја мине првата квалификациска пречка во Лигата на шампиони, македонскиот првак Струга за противник во второто коло ќе го има турскиот гигант Галатасарај, одлучи денешната жрепка во Нион.

За двојна пресметка со Галатасарај фудбалерите на Струга ќе треба во воведното коло да бидат поуспешни од литвански Жалгирис.

Двата натпревари против шампионот на Литванија се на програмата на 11/12 јули и 18/19 јули, додека пресметките во второто квалификациско коло ќе се играат на 25/26 јули и 1/2 август.

Струга на првиот натпревар против Жалгирис ќе биде гостин, додека во евентуалната пресметка против Галатасарај ќе биде домаќин на првиот натпревар.