Искусниот фудбалер на Милан, 32-годишниот Алесандро Флоренци e под истрага за нелегално обложување.

Според новинската агенција АГИ, дефанзивецот на Милан треба да го даде своето сведочење во наредните денови.

„Фудбал Италија“ потсетува дека јавниот обвинител во Торино ги обвини Сандро Тонали и Николо Фаџоли, кои ја признаа вината и добија помали казни. Тонали е доби десет, а Фаџоли седум месечна суспензија.

Николо Заниоло сè уште е под истрага, во својата изјава тој рече дека никогаш не се обложувал на спортски настани, само на покер и блек џек.

Флоренци наводно е под слична истрага.

Против правилата е сите професионални фудбалери да се коцкаат на кој било начин, во каква било форма, дури и кога играат покер. Сепак, казната за спортско обложување е далеку построга, па Заниоло и Флоренци се надеваат дека ќе добијат само парични казни.

Може да биде проблем ако се утврди дека апликациите или сајтовите што се користат за коцкање се нелегални.