Барса со пресврт преку Сосиедад




 

Барселона успеа да стигне до 2:1 пресврт-победа против Реал Сосиедад во 19. коло во Ла лига за да се искачат на петтото место во Шпанија.

Сосиедад успеа да дојде во водство во 27.минута по асистенцијата на Порту до Вилијан Жозе, но реакцијата на Каталонците беше брза. По грешката на одбраната на Сосиедад, Жорди Алба успеа да постигне убав гол во 31. минута, пред во 43. минута Алба да му асистира на Френки Де Јонг за 2:1.

Во второто полувреме, Барса имаше неверојатна шанса преку Антоан Гризман, кој промаши празен гол, а во финишот Александер Исак за малку ќе израмнеше да не беше одличната реакција на Тер Штеген.

Барса сега заостанува шест поени зад водечкото трио – Атлетико Мадрид, Реал Сосиедад и Реал Мадрид.