– Тренерот на Арсенал, Микел Артета не е задоволен од изданието на неговите избраници на дуелот со Манчестер Јунајтед.

Арсенал синоќа во Ист Ратерфорд (САД) загуби од Манчестер со 0:2 во пријателски натпревар. Бруно Фернандеш и Џејдон Санчо ги постигнаа головите во првото полувреме.

-Толку тежок натпревар на ова ниво, иако е пријателски, дава многу информации и секогаш е позитивен. Ние треба уште многу да се подобруваме. Ова особено се однесува на при прекините. Грешките се дел од фудбалот, но мора да се избегнуваат. Губењето секогаш боли. Во однос на физичкиот дел, границата беше висока и мораше да се исполни. Затоа, очекуваме повеќе од голем број играчи, изјави Артета.

Во следниот натпревар на турнејата во Америка, Манчестер јунајтед ќе се соочи со Рексам на 26 јули, додека Арсенал ден подоцна ќе игра со Барселона.