Спортски натпревари меѓу средните училишта на Скопје и Подгорица


Во Подгорица, Црна Гора денеска почнаа спортските натпревари меѓу најдобрите екипи од средните училишта од Скопје и од Подгорица.

Пред почетокот на натпреварите се обрати градоначалникот на Град Скопје Петре Шилегов и ги поздрави екипите на Подгорица и на Скопје. На натпреварите присуствуваше и делегација од кабинетот, како и членовите на Советот на Град Скопје Соња Глинџарска, Лука Кржалоски и Ибуш Јусуфи.

– Средношколските екипи од Скопје се натпреваруваат со нивните врсници од Подгорица во кошарка, ракомет и футсал во машка и во женска конкуренција, како и во одбојка во женска конкуренција. Натпреварите на најдобрите спортски екипи од средните училишта од Скопје во Подгорица се продолжение на праксата за организирање вакви натпреварувања, а во изминатите години се организираа спортски гостувања во Нирнберг, Истанбул, Ниш, Загреб, Љубљана, Софија и во Белград, соопштуваат од прес-службата на Град Скопје.

Претходно, во текот на оваа учебна година во системот на натпревари на средните училишта во Скопје учествуваа 245 екипи, а се одиграа над 1.000 натпревари во кои се вклучија околу 7.000 ученици од 29 средни училишта од Скопје.

– За организација и реализација на средноучилишниот спорт во Скопје, Градот Скопје годинава одвои 3.500.000 денари. Дополнително, и оваа година додели стипендии за спортистите средношколци од Скопје, односно додели 105 стипендии во висина од 3.000 денари месечно, за 8 месеци, средства обезбедени од буџетот на Град Скопје, се вели во соопштението.

Градот Скопје и Градот Подгорица се збратимени од 2008 година и негуваат плодна соработка и разменуваат позитивни искуства од повеќе области што се значајни за двата града.


Потврдени 120 нови случаи со Ковид 19, оздравени 16, починати двајца пациенти - МИА
Вести

Вкупно 180 нови случаи на КОВИД-19, двајца починати, најмногу заболени во Скопје

Скопје, 5 јуни 2020 () – Вкупно 180 нови случаи позитивни на КОВИД -19 се евидентирани во изминатите 24 часа, објави Министерството за здравство. Починати се двајца пациенти – едниот на возраст од 52 години […]

Во штипската текстилна конфекција се зголемува бројот на заразени работници - МИА
Вести

Потврдени 177 нови случаи на заболени со Ковид-19

– Во изминатото деноноќие во нашата земја се извршени 1.245 тестирања за Ковид-19, потврдени се нови 177 позитивни случаи. Од Институтот за јавно здравје за МИА информираа дека најмногу позитивни случаи од коронавирус се регистрирани […]

ССМ: Да ја спречиме злоупотребата на финансиска помош за работниците погодени од здравствено-економската криза - МИА
Вести

ССМ: Да ја спречиме злоупотребата на финансиска помош за работниците погодени од здравствено-економската криза

Скопје, 5 јуни 2020 () – Од Сојузот на синдикати на Македонија (ССМ) соопштија дека до нив биле упатени низа поплаки кои укажуваат дека некои од компаниите кои се корисници на финансиска помош од државата […]