Награди на „Остен“ од 51. Светска галерија на карикатури – Скопје 2019


Карикатуристот Мојмир Михатов од Хрватска ја доби Гран-при наградата на 51. Светска галерија на карикатури – Скопје 2019, соопшти галеријата „Остен“.  Првата награда му е доделена на Шахрох Хејдари од Франција, а втората на Лук Дешимакер од Белгија.

Доделени се пет трети награди – Хуле Ханушиќ од Австрија, Константин Казанчев од Украина, Милета Милорадовиќ од Србија, Шаман Тораби од Иран и Фуркат Усманов од Узбекистан.

Јордан Поп-Илиев ја доби наградата „Цицо“ за македонски карикатурист, а посебни награди добиваат: Олег Драгачов од Канада, Ратко Маричиќ од Хрватска, Петар Нивендијк од Холандија
Анатолиј Станкулов од Бугарија и Павел Станчик од Полска.

„Остен“ соопшти дека на 51. Светска галерија на карикатури – Скопје 2019 се пријавиле 231 карикатурист од 58 земји со 635 карикатури.

За изборот бил задолжен селекторот  Мице Јанкуловски и интернационалното жири: Дарко Дрљевиќ од Црна Гора, Норберт Иперзил од Белгија, Саед Садеги од Иран и Владимир Боројевиќ и Корнелија Конеска од Северна Македонија.

Селекторот најпрво избрал 115 карикатуристи чии дела ќе бидат претставени во каталогот и од кои интернационалното жири избрало 45 финалисти, а потоа се избрани карикатуристите за награди.

Изложбата на делата од селектираните автори и доделувањето на наградите на 51. Светска галерија на карикатури – Скопје 2019 и на следната 52. Светска галерија на карикатури – Скопје 2020 ќе се одржи во септември 2020 година, на централна прослава по повод 75 години „Остен“ (1945 – 2020).


Вести

Македонското знаме кренато пред седиштето на НАТО во Брисел

– Знамето на Северна Македонија попладнево е кренато пред седиштето на НАТО во Брисел, на церемонија со која се означи официјалното пристапувањето на земјава во Северноатлантската алијанса. Знамето беше кренато додека се интонираше химната на […]

Вести

Регистрирани 26 нови случаи на коронавирус, еден починат и девет пациенти излекувани

– Изутрината се регистрирани 26 нови случаи на коронавирус во земјата, вкупно 285 дијагностицирани пациенти. Почина еден пациент, а девет пациенти се излекувани и испишани од болничко лекување, објави на својот фејсбук профил министерот за […]

Бизнис

Бензините поевтини до денар ипол, дизелот поскап за половина денар

– Цените на бензините од полноќ се намалуваат од денар до денар ипол, а цената на дизелот и Екстра лесното масло за домаќинство се зголемува за половина денар, одлучи денеска Регулаторната комисија за енергетика. Согласно […]