Мини детско игралиште за најмладите во Ново Лисиче

Општина Аеродром доби ново катче за најмладите во Ново Лисиче, лоцирано во непосредна близина на булеварот „Февруарски поход“.

Станува збор за мини детско игралиште изработено од гуми и други материјали, кои го изградија волонтери вработени во компанијата ЕВН „Македонија“ во рамките на проектот „ЕВН волонтира“.

Ова игралиште беше претставено денеска на Меѓународниот ден на волонтерите, на кој присуствуваа градоначалникот на Општина Аеродром Златко Марин, претседателот на Управниот одбор на ЕВН „Македонија“ Штефан Петер и Никица Кусиникова извршен директор на здружението на граѓани специјализирано во областите филантропија и општествена одговорност на претпријатија „Конект“.

EVN igraliste
EVN igraliste1
EVN igraliste2
EVN igraliste3
EVN igraliste4

Локацијата за поставување на детските реквизити ја одреди Општина Аеродром, којашто дополнително ќе го уреди и оплемени овој простор.

„Сакам да изразам голема благодарност до вработените од компанијата ЕВН Македонија, кои со голема посветеност го создадоа ова прекрасно катче во населбата Ново Лисиче. Дечињата добија ново безбедно место за игра, а возрасните уште еден потсетник за тоа колку е важно несебично да помагаме во заедницата“, изјави градоначалникот Марин, кој најави продолжување на соработката со оваа компанија.

„За нас е сосема природно да се грижиме за природната средина, за околината, меѓутоа и за целото општество. Сметам дека волонтирањето е една највисока цел на една општествено одговорна компанија, затоа што општествената одговорност не се покажува само преку донирањето, туку преку вклучувањето на вработените“, изјави Петер.

Во рамките на проектот „ЕВН волонтира“ досега се имплементирани повеќе од 30 проекти, а учество земале над 400 вработени во оваа компанија.


Бизнис

Протест на технолошкиот вишок на „Еурокомпозит“- По две години ништо не е решено

Работниците прогласени за технолошки вишок кои се уште чекаат да им бидат исплатени отпремнините од прилепската компанија „Еурокомпозит“ денеска се собра на протест во центарот на Прилеп. Тие бараат одоговор за состојбите во фирмата и […]

Бизнис

Лани без објавување оглас склучени 596 договори во вредност од 33 милиони евра

Големи тендери, намалена конкуренција, склучени договори без објавување оглас, раст на бројот на поништени тендери, се дел од клучните наоди на мониторингот на јавните набавки спроведени во периодот јули-декември 2018 година. Во извештајот на Центарот […]

Вести

Комплетиран кабинетот на претседателот Пендаровски

Претседателот Стево Пендаровски, го комплетираше составот на својот кабинет. Генерален секретар ќе биде Миле Бошњаковски, кој досега ја извршуваше функцијата портпарол на Владата, додека шеф на протокол ќе биде Билјана Мицевска. Одговорна за односи со […]