Тоскански сладолед од лешници

Супер богат сладолед кој нема да ги остави рамнодушни дури и оние кој не обожуваат сладолед …

Потребно е:
200 г лешници
6 жолчки
180-200 г шеќер
1,1 л полномасно млеко
2 лажици ликер од лешници или екстракт од ванила
500 мл слатка павлака, изматена
1 лимон (сок и кора)

Подготовка:
– Тостирајте ги лешниците во загреана рерна околу 5 минути. Внимавајте да не се препечат. Додека се уште топли отстранете ја лушпата на тој начин што ќе ги ставите во кујнска крпа и тријте ги со рацете. Сомелете ги во блендер, но не многу ситно.

– Убаво изматете ги жолчките со шеќерот.

– Во сад на рингла загрејте го млекото скоро до вриење, потоа тргнете го садот на страна и набрзина измешајте ја смесата со изматени жолчки и шеќер. За да не се згрутчат жолчките додавајте го топлото млеко малку по малку со постојано матење со миксер.

– Во сад со двојно дно или пак во сад на пареа варете го кремот со нежно мешање со дрвена лажица додека не се згусне.

– На крај додадете ги тостираните и измелени лешници.

– Ставете го кремот да се излади во фрижидер или пак на тој начин што ќе ја сипете во сад кој е потопен во друг сад со мраз.

– Додадете го ликерот од лешници или екстрактот од ванила, потоа додадете ја и претходно изматената слатка павлака и полека измешајте. На крај додадете ја и изренданата кора и сок од лимон.

– Смесата ставете ја во апарат за сладолед. Но ако немате таков апарат тогаш смесата сипете ја во длабок пластичен сад и ставете ја во замрзнувач и на секој 30 минути промешајте ја смесата (4-5 пати), за да не се создадат кристали од мраз.

– Количината на шеќер во рецептот може да ја менувате во зависност колку сакате да биде сладок сладоледот.


Вести

Собранието ги разреши Тевдовски, Фазлиу и Лика

Собранието вечерва ги разреши од функцијата министерот за финансии Драган Тевдовски, министерот за локална самоуправа Сухејл Фазлиу и министерот без ресор задолжен за спроведување на Рамковниот договор Хазби Лика. Министрите беа разрешени со мнозинство гласови. […]

Вести

Вкупно 12 повредени при експлозија на гас во станбена зграда во Виена (ДПЛ)

Вкупно 12 лица се повредени попладнево при експлозија на гас во една петкатна станбена зграда во австрискиот главен град Виена, соопшти вечерва локалната полиција. По експлозијата се урнал дел од зградата, поради што останатите станари […]

Вести

Финансиска полиција: Акцијата во Љуботен наменета против нелегалниот увоз на тутун

Управата за финансиска полиција денеска преку соопштение информира дека вчерашната акција спроведена во селата Љуботен, Сингелиќ, Визбегово и Арачиново била наменета против нелегалниот увоз, производство и трговија со недозволената сорта тутун „вирџинија“, а не била […]