Сочни јунешки шницли


Интересна идеја за денешниот ручек …

Потребно е:
околу 800 г јунешко шницли
200 мл бело вино
1 коцка за говетска супа растворена во 300 мл врела вода
200 мл слатка павлака
3-4 лажици ситно сецкан свеж магдонос
5-6 чешниња лук, ситно сецкани
сол, бибер
масло, за пржење
2 јајца
брашно
лебни трошки

Подготовка:
– Шницлите малку истолчете ги со дрвен чук. Посипете ги со сол и бибер и увалкајте ги прво во брашно, па во изматени јајца и на крај во лебни трошки. Ставете ги да се пржат во врело масло по неколку минути од двете страни.

– Во намастен огноотпорен сад за печење наредете еден ред шницли, одозгора полијте со вино и супа, посипете со сецкан магдонос и сецкано лукче. Одозгора наредете ги преостанатите шницли и повторете ја постапката.

– Садот покријте го со алуминиумска фолија и ставете да се пече во загреана рерна на 200 целзиусови степени околу 40 минути. Потоа тргнете ја фолијата, прелијте ги шницлите со слатката павлака и допечете ги уште 10-тина минути.

– Како прилог со овие превкусни сочни шницли може да сервирате сварен ориз или пак компири, потоа њоки или некој обарен зеленчук.

Напомена: Додека се печат шницлите не треба да се покриени сосема до горе со течност.


Вести

Македонското знаме кренато пред седиштето на НАТО во Брисел

– Знамето на Северна Македонија попладнево е кренато пред седиштето на НАТО во Брисел, на церемонија со која се означи официјалното пристапувањето на земјава во Северноатлантската алијанса. Знамето беше кренато додека се интонираше химната на […]

Вести

Регистрирани 26 нови случаи на коронавирус, еден починат и девет пациенти излекувани

– Изутрината се регистрирани 26 нови случаи на коронавирус во земјата, вкупно 285 дијагностицирани пациенти. Почина еден пациент, а девет пациенти се излекувани и испишани од болничко лекување, објави на својот фејсбук профил министерот за […]

Бизнис

Бензините поевтини до денар ипол, дизелот поскап за половина денар

– Цените на бензините од полноќ се намалуваат од денар до денар ипол, а цената на дизелот и Екстра лесното масло за домаќинство се зголемува за половина денар, одлучи денеска Регулаторната комисија за енергетика. Согласно […]