Заев за Франс прес: Секое прашање за македонскиот идентитет е „црвена линија“


– „’Многу горчина’: Премиерот на Северна Македонија жали за блокадата на Бугарија во ЕУ“, е насловот на текстот што го објави денеска новинската агенција Франс прес (АФП) по интервју со претседателот на Владата, Зоран Заев во Скопје.



Заев за АФП вели дека источниот сосед му донел „непријатно изненадување“.

Создаден е голем гнев меѓу братски луѓе што живеат од двете страни на границата, оценува Заев, но сепак изразува уверување дека е можен чекор напред.

Напоменувајќи дека постои апсурдност во целиот проблем, премиерот потенцира и дека секое прашање на македонскиот идентитет е „црвена линија“.

„Покажавме колку веруваме во европските вредности“, додава Заев, алудирајќи на компромисот за промената на името, „и сега, кога Европа требаше да ги покаже своите европски вредности, тие не беа таму“.

-Блокадата на Бугарија за соништата на Северна Македонија за влез во Европската унија е спротивна на вредностите на блокот и предизвика „многу горчина кај нас“. Секое прашање на македонскиот идентитет е „црвена линија“. Тоа е прашање на самоопределување кое е во срцето на европскиот проект, истакнува премиерот.

Авторите на текстот прават и кус осврт на случувањата.

-Софија сака нејзиниот мал сосед да ги признае, како што вели, бугарските корени на нејзиниот јазик, народ и историја, пред да дозволи балканската земја да напредува во процесот на пристапување.  Северна Македонија, сиромашна земја во која живеат два милиона луѓе, се движеше и порано по овој пат. Стана кандидат за членство во ЕУ во 2005 година, но беше блокирана од Грција за да оди напред. Атина стави вето за поранешното име на земјата, Македонија, сметајќи го за напад на грчката територија и наследство. За да се надмине тој ќор-сокак, Заев склучи тежок договор во 2018 година за да го додаде географскиот квалификант „Север“ со цел да го разликува од грчката провинција Македонија, наведува Франс прес.

Француската новинска агенција потсетува и дека Бугарија, која влезе во ЕУ во 2007 година, беше првата земја што ја призна Северна Македонија откако прогласи независност од Југославија во 1991 година. Тоа беше и една од причините, дополнува, зошто Заев ги опиша како „наш најголем пријател“.

-Бугарија ја обвини Северна Македонија за кражба на нејзината историја и е особено вознемирена поради недостатокот на напредок од заедничката комисија која се обидуваше да постигне договор за заеднички наратив за учебниците, стои во написот на АФП.

Според Заев, ваквите прашања треба да се работа првенствено на историчарите, но важно е, како што вели во интервјуото, да се потенцираат и договорите што Комисијата ги постигна во некои области.

-Верувам многу во европските вредности, можеби многу повеќе од некои поединци во ЕУ, подвлекува премиерот Зоран Заев за Франс прес.


Вести

Во Македонија 1.160 нови случаи на коронавирус, 30 лица починаа

Министерството за здравство информира дека во последните 24 часа се направени 2864 тестирања, а регистрирани се 1160 нови случаи на ковид-19 во: Скопје-472, Куманово-58, Дебар-2, Штип-43, Прилеп-78, Тетово-61, Струга-29, Велес-32, Битола-87, Охрид-47, Кавадарци-32, Гостивар-22, Гевгелија-1, […]

Штрајк на вработени во „Амазон“ во Германија - МИА
Вести

Тридневен штрајк на вработените во „Амазон“ во Германија

Околу 2.500 работници на „Амазон“ во Германија почнаа тридневен штрајк денеска, временски закажан за да ја нарушат продажбата за време на „црниот петок“. Штрајкот, повикан од моќниот синдикат Верди, треба да трае до сабота и […]

1 Comment

  1. Се додека настапуваме од позиција на Република Северна Македонија, ќе ги трпиме последиците од преседанот кој што самите си го прифативме! А вие продолжете да коментиратени понатаму. Попусто е!

Вашиот коментар

Твојата е-маил адреса нема да биде објавена.


*