ВМРО-ДПМНЕ да покаже зрелост и да го поддржи договорот којшто е поздравен и од Европската народна партија



ript>

ВМРО-ДПМНЕ треба да покаже зрелост и одговорност и да го поддржи Договорот којшто е во согласност со државните и националните интереси и којшто се става крај на 25 годишниот спор што ја влеше Македонија надолу.


 

Договорот ниту е штетен ниту пак е удар врз правото на самоопределување како што лажно тврди ВМРО-ДПМНЕ. Сосема спротивно, Договорот го гарантира и го зајакнува македонскиот идентитет и никој повеќе нема да го оспорува или негира. Македонски јазик, Македонци, Македонски, Македонец, Македонка, обезбедено еднаш засекогаш.

Целиот демократски свет дава силна поддршка за решението на овој долгогодишен спор.

Дури и Европската народна партија (ЕПП) кадешто членува и ВМРО-ДПМНЕ го поздравува Договорот и повикува на конструктивност од сите политички партии.

ВМРО-ДПМНЕ треба да даде поддршка на Договорот којшто ги штити нашите интереси, го обезбедува идентитетот и ги отвора перспективите за полноправно членство во НАТО и почеток на преговори за членство во ЕУ.

ВМРО-ДПМНЕ треба да каже ДА за македонската иднина!

Скопје, 16.06.2018                               ЦЕНТАР ЗА КОМУНИКАЦИИ СО ЈАВНОСТА

                                                          СОЦИЈАЛДЕМОКРАТСКИ СОЈУЗ НА МАКЕДОНИЈA