Шекеринска – Леш: Романската поддршка се покажа дека не е само на зборови, туку на дело


Успешно ги исполнивте чекорите за пристапување кон НАТО и наскоро ќе станете 30 членка со целосни права во најсилната воено-политичка алијанса во светската историја што сигурно ќе придонесе за подобрување на безбедносното опкружување на балканскиот регион, порача романскиот министер за национална одбрана Габриел-Бениамин Леш по средбата во Скопје со министерката за одбрана Радмила Шекеринска.

-Ве уверувам дека мојата земја секогаш ќе ви биде пријател и доверлив сојузник. Романија постојано ги поддржува напорите за евроатлантска интеграција на Република Северна Македонија со фокус на областите – стратешко планирање, обука и доктрина, логистика, човечки ресурси, комуникација и информатика, како и за зајакнување на соработката во процесот на состаноци на министрите за одбрана во Југоисточна Европа и во рамки на Бригадата на ЈИЕ – СЕЕБРИГ, рече Леш на денешната прес-конференција.

Тој ја истакна добрата соработка меѓу двете земји на сите полиња, особено на полето на оодбраната, и нагласи дека Романија ќе го поддржи процесот на релокација на Командата на СЕЕБРИГ од Грција во Северна Македонија.

На средбата во Скопје, како што посочи, станало збор и за продолжување на тесната соработка во областа на информациите во одбраната, безбедносната состојба во Западен Балкан и феноментот на миграција.

Министерката Шекеринска рече дека Романија е една од земјите која во вонредно брза процедура ја даде својата поддршка за нашето членство во НАТО преку ратификација на протоколот за членство.

-Подршката на Романија никогаш не беше само на НАТО-план, туку романската Влада беше една од силните поддржувачи на нашата статешка цел – час поскоро да ги почнеме преговорите со Европската Унија. Во октомври го очекуваме истото. Нивната поддршка се покажа дека не е само на зборови, туку на дело. Романските граѓани и Парламент препознаа дека Република Северна Македонија е партнер и сојузник кој има капацитет и знаење да придонесе кон мирот, стабилноста и безбедноста на сите земји-членки на Алијансата, рече Шекеринска.

Посочи дека соработката меѓу двете армии е одлична и нагласи дека веќе се реализирани најголем дел од плановите за годинава.

-Имаме заеднички обуки, заеднички вежби и убедена сум дека ќе договорите и дополнителни начини на соработка со министерот во овие два дена. Користевме некои совети од Романија во досегашната реформа, а денеска доплнително договоривме да поканиме експерти или мобилни тимови кои ќе ги обучуваат нашите припадници на армијата и вработените во Министерството за одбрана, појасни Шекеринска.

Додаде дека ќе биде пренесено романското искуство од мисиите предводени од Европската Унија во Африка, делот на мултирализација преку договори влада со влада и искуството на Романија и романските компании  во настапот пред НАТО-партнерите на пазарите на земјите-членки на Алијансата.

-Членството во НАТО е и економска можност со зголемување на странските инвестиции во државата. Но, сега сакаме и да им помогнеме на нашите фирми полесно да настапат на пазарот на НАТО, бидејќи сега им се отвораат вратите со нашето членство, потенцира Шекеринска.


Вести

Лондон: Очекуваме ширење на епидемијата на коронавирусот

Британскиот министер за здравство Мет Хенкок денеска оцени дека бројот на случаи на новиот коронавирус веројатно ќе биде многу поголем од досега потврдените. – Сите жртви досега беа од континентална Кина. Меѓутоа, ова е ситуација […]

Вести

СОНК: МОН не смее да дава предлози за формирање нов универзитетски синдикат

–  Самостојниот синдикат за образование, наука и култура – СОНК реагира во однос на дел од ставовите што вчера ги соопшти Министерството за образование и наука во врска со начинот на зголемување на платите во […]

Вести

Во почетокот на февруари ќе се знае методологијата за утврдување на имотната состојба на судиите

-До крајот на јануари или почетокот на февруари ќе биде позната во целост методологијата според која ќе се утврдува имотната состојба на судиите. Притоа, низ процесот нема да минат сите судии, туку само оние што […]