Османи: Ние не работевме за датум за почеток на преговори со ЕУ, туку за одлука


Важна е политичката компонента, а тоа е одлука за почеток на преговорите, другото се технички аспекти од процесот. Кај нас цело време беше погрешна прецепцијата дека ние  работиме за датум за почеток на преговорите со Европската Унија. Ние работевме за одлука. Ние 15 години немавме одлука за започнување на преговори, бидејќи претходно имавме вето од Грција, а потоа од Франција и од други земји, порача вечерва вицепремиерот за европски прашања Бујар Османи.

-Има политичка волја кај 27-те земи-членки на Европската Унија  да се започне процесот на преговори со Република Северна Македонија. Откако ќе се донесе одлуката се дава мандат на Европската комисија да ја подготви преговарачката рамка во која земјите-членки ставаат елементи според нивните гледања и потоа повторно се утврдува од земјите-членки и се утврдува денот кога државната  делегација оди во Брисел и има состанок со владите на земјите-членки и формално го почнуваме процесот, појасни Османи во интервју за ТВ 24 вести.

Тој посочи дека денеска неколку министри од земјите-членки на ЕУ му се јавиле и му честитале за одлуката и му рекле дека ја чекаат само писмената потврда за процесот.

-Тука имаше конзесус на сите земји членки и се е под сенка на пандемија, но ова е историски момент. По сите одбивања, влеговме во последната фаза за ова членство. Имаше писмена забелешка како анекс од Бугарија, но без да има влијание и денеска разговарав со неколку министри кои ја чекале писмената потврда и ова прашање е затворено. Кај нас погрешна беше прецепцијата дека работиме за датум, ние работевме за одлука. Претходно имавме вето од Грција и од Франција и други земји, рече Османи.

Како наша предност го истакна  фактот што веќе сме изоделе дел од патот и во Секретаријатот за европски прашања веќе има софтвер кои ги следи сите легислативи и директиви што треба да се хармонизираат во преговарачкиот процес. Треба да се хармонизираат 7.000 директиви во текот на преговарачкиот процес од кои веќе сме транспонирале 2.900.

-Третина веќе сме ги хармонизирале, односно веќе се во нашето законодавство. Ние не преговараме со Европската Унија зашто директивите се фиксни. Ние всушност преговараме со нашите чинители во општеството кога една директива влегува во сила во нашата земја и кога почнуваме да ја применуваме, потенцира Османи и додаде дека очекува доколку имаме брзо темпо на хармонизација за пет-шест години да ги завршиме преговорите за членство.


Вести

За непочитување на полицискиот час, 24 скопјани ги очекува 48 илјади евра казна

Основното јавно обвинителство Скопје денеска поднесе предлози за издавање казнени налози пред Основниот кривичен суд Скопје, против вкупно 24 лица кои не го почитувале полицискиот час, информираат од скопското Обвинителство. – Обвинетите, во различни кривично-правни […]

Бизнис

Баравме системски мерки за сите засегнати, а не делумна помош во криза

31, Март, 2020, Скопје – Сојузот на стопански комори се оградува од мерките објавени во вториот сет од страна на Владата, со појаснување дека од наша страна се бараа системски мерки за сите засегнати микро, […]

Вести

Владата со втор пакет мерки за граѓаните и фирмите за увлажување на последиците од Ковид-19

Финансиска поддршка за претпријатијата од приватниот сектор за исплата на плати за своите вработени во висина од 14.500 денари за месеците април и мај, кратење на платите за сите избрани и именувани функционери на ниво […]