МТСП: Обезбедуваме полесен пристап до социјалните услуги за граѓаните


Стручни работници од Министерството за труд и социјална политика (МТСП), Центрите за социјална работа (ЦСР), установи за социјална заштита и граѓанскиот сектор од 10 до 13 овој месец во Струга, посетуваат обуки за тренери за интегрирано управување со случај и документација, како дел од севкупната реформа на системот на социјалната заштита во кој корисникот и неговото семејство се ставаат во центарот на вниманието, а индивидуалните потреби ќе бидат основа за обезбедување на правата и услугите кои се предвидени во новиот Закон за социјална заштита.

Дoполнително, како што информираат од Министерството за труд и социјална политика, се зајакнува соработката меѓу Центрите за социјална работа и Центрите за вработување преку активацијата на корисниците приматели на гарантиран минимален приход. Со координирана и заедничка акција ќе се нудат мерки и активности за зголемување на вработливоста и како крајна цел вработување на корисниците на правата од социјална заштита, со што трајно треба да излезат од кругот на сиромаштијата.

– Во насока на поголема пристапност и достапност до правата и услугите од социјалната заштита, се отвораат и општински канцеларии за социјална работа во сите 80 општини во државата. Паралелно отворен е јавен повик до општините за пројавување на интерес за развој на социјални услуги во локалните заедници, за што се обезбедени вкупно 10,8 милиони евра од заем на Светска Банка, стои во соопштението.

Со новиот метод на работа се обезбедува поквалитетна социјална и детска заштита и полесен пристап до правата и услугите за граѓаните. Се обезбедува ефикасна и ефективна употреба на ресурсите на заедницата, професионална тимска работа, како и надминување на проблемите што произлегуваат од поделбата на услугите.

Обуките се организирани од МТСП и УНИЦЕФ и се во насока на понатамошно јакнење на капацитетите на центрите за интегрирано управување со случаеви. Во наредниот период, почнувајќи од месец Октомври, стручните лица коишто се обучуваат за тренери за интегрирано управување со случаи, понатаму ќе го пренесат стекнатото знаење на сите стручни лица вработени во Центрите за социјална работа во Република Северна Македонија.


Вести

Детектор: Над 40 проценти од граѓаните очекуваат да бидат заразени, поголем дел задоволни од мерките и лекарите

– Над 40 проценти од граѓаните очекуваат да бидат заразени со коронавирусот, покажува најновото истражување на јавното мислење што го спроведе Институтот за политички истражувања за емисијата „Детектор“. Истражувањето покажува дека 24,1 процент од анкетираните […]

Балкан

Словенечката Влада го претстави т.н. „Мега корона Закон” со кој граѓаните и економијата ќе добијат три милијарди евра

Словенечката Влада, по дводневно заседание, конечно го усогласи и објави таканаречениот „Корона Закон”, со кој граѓаните и компаниите ќе добијат директна државна финансиска помош од три милијарди евра, јави дописникот на МИА од Љубљана. Целта […]

Вести

Две лица починале од Ковид-19, 16 нови случаи, вкупната бројка на заболени 257 лица

– Две лица починале изминатото деноноќие на Клиниката за инфективни болести и фебрилни состојби како последица од корона вирусот, со што вкупната бројка на починати во земјава од појавата на Ковид-19 достигна шест лица. Станува […]