Министерот Спасовски во посета на полициската станица и на локалната самоуправа во Виница


Министерот за внатрешни работи Оливер Спасовски, придружуван од заменик министерот Агим Нухиу и други соработници од МВР, попладнево беше во работна посета на Виница при што оствари средба со вработените во полициската станица, со градоначалникот Ивица Димитров и со членовите на општинскиот Совет и на Советот за превенција.

Командирот на виничката полиција, Љупчо Петров информираше дека во планираниот временски рок е завршена реконструкцијата на зградата на полициската станица за што беа инвестирани средства од буџетот на Министерството.

Во локалната самоуправа на Виница, пак, стана збор за безбедносната состојба во општината, како и за активностите за воспоставување подобра соработка меѓу локалните власти и полицијата.

– Објектот на Полициската станица во Виница имаше комплетна реконструкција на фасадата, столаријата и внатрешноста, што како активност е прв пат од 1972 година. Исто така, реконстрирн беше и помошниот објект во кој се сместени управните служби, а за сите градежни работи се потрошија околу 2,2 милиони денари. Со тоа значително се подобрени условите за работа на полициските службеници, но и за граѓаните кои ќе можат овде да си ги остваруваат своите права. Наша цел е да ги продолжиме активностите за воспоставување поблиска соработка со локалните власти и да ја јакнеме врската меѓу граѓаните и полицијата, затоа што само со взаемна доверба можеме да ја зголемиме безбедноста и во општините и на државно ниво, истакна минстерот Спасовски.

На средбата со членовите на Советот за превенција се разговараше за мерките за подобрување на безбедноста во сообраќајот и нови сообраќајни решенија во Виница, како и за унапредување на превенцијата во останатите области преку заеднички советодавни групи меѓу граѓаните и службите на полицијата.

Вести

Новиот закон за ЈО утре во Собранието, власта очекува поддршка од опозицијата

Владата утре Предлог-закон за Јавно обвинителство ќе го прати во Собранието. Очекуваме своите ставови пратениците да ги кажат во законодавниот дом, а ако имаат забелешки и да поднесат амандмани. Градењето дво-третинско мнозинство ќе биде во […]

Бизнис

Бензините поевтинуваат за еден, а дизелот за половина денар

Цената на бензините од ноќеска на полноќ се намалува за еден денар, а на дизелот и на екстра лесното масло за домаќинство за половина денар, одлучи денеска Регулаторната комисија за енергетика. Согласно новите цени, ЕУРОСУПЕР […]

Вести

Одбиено барањето на Кочан за одложување на затворската казна

Судија за извршување санкции при Основниот кривичен суд – Скопје го одби барањето на бизнисменот Сеад Кочан поради здравствени причини да му биде одложено издржувањето на затворската казна од четири години и осум месеци за […]