Дескоска: Мора да се најде начин да профункционира отчетноста и одговорноста во судството


Мора да се бараат начини да профункционира отчетноста и одговорноста во рамки на судството. Корумпиран судија на сите прави штета, подобро е да го нема, отколку да го заразува здравото ткиво. Ветингот не е лесен процес и тој треба да се изврши транспарентно и професионално, изјави министерката правда Рената Дескоска во однос на ветингот на судиите во вечерашната емисијата „Само интервју“ на тв Канал 5.

– Ако не се променат самите, ако не профункциираат органите, како Судскиот совет, Советот на судии и јавни обвинители, мора да бараме начини да профункционира отчетноста и одговорноста во рамки на судството. Ние им ги дадовме сите механизми што ги има во ЕУ за да ги спроведуваат. Ако не реагираат, тогаш ќе мора да одиме со вонредни мерки, вели Дескоска.

Рече дека ветингот е вонредна мерка што се спроведува одреден временски период, и тие судии ќе мора да поминат на целосна проверка – врски, влијанија, имот, и сето тоа, како што рече, е нешто што се испитува во една постапка и не е лесна процедура. Во Албанија, додаде таа, голем дел од судиите се откажаа пред да им се направи ветинг.

– Корумпиран судија на сите прави штета, подобро е да го нема отколку да го заразува здравото ткиво, подобро сто, двеста квалитетни, отколку 300 неквалитетни кои прават поголема штета. Ветингот е процес што треба да има согласност со двотретинско мнозинство, да изградиме кредибилиен процес. Нас ни треба процес во кој сите ќе веруваат дека се врши транспарентно, професионално. Мој предлог е во таа ветинг комисија да учестуваат претставници на европски институции, со цел да се задржи довербата во тој процес, рече таа.

Дескоска смета дека тест за судскиот систем и за правната држава се сите процеси што се водат пред судовите и оти тие заедно со јавните обвинителства во рацете го држат напредокот на земјава кон ЕУ.

– Нам ни треба неселективна поравда за било кого. Дали за случаите кои ги почна СЈО за порашешни функционери, а сега ги води редовното обвинителство, дали за случаите кои ги почнува сега обвинителството против актуелни носители на функции или поранешни обвинители, дали во случаите против било кој граѓанин, нам ни треба неселективна правда буквално за секој. Мојот апел и заложба кон судството и обвинителството, во рамки на моите надлежности без да се смета за мешање во нивната работа, е дека буквално во сите случаи треба да ги интересира единствено законот фактите и да се водат само од доказите што ги имаат, а не да паѓаат под влијание, рече Дескоска.

Таа вели дека Министерството за правда донело одлична законска рамка за независно судство и обивителство. Спроведувањето на законите сега е работа на судовите .

– Одговорноста за натамошниот напредок кон ЕУ е во рацете на судовите и јавните обвинители за тоа мора да бидат свесни. Тие во нивни раце имаат историска одговорност дали ќе одиме напред кон ЕУ или ќе ја прокоцкаат шансата, рече министерката.

Запрашана за смс пораката која обвинителката за гонење организиран криминал и корупција Вилма Рускоска ја испрати до судиите на Апелациониот суд, рече дека функцијата не и дозволува да ја коментира.

– За жал функцијата мене не ми дозволува да ги коментирам одлуките на судиите и обвинителите, како и нивните коментари, но треба да имаат дијалог за спроведување на правдата. Она што е отворено како сомневање во надлежност на Јавното обвинителство е да се испита и процесира, нема потреба ние тоа како Министерство за правда да го коментираме. Ако има сомневања за криминал и корупција, мора да се процесира, нагласи министерката Дескоска.


Активни 3327 случаи со Ковид-19, апел да се почитуваат мерките без исклучок - МИА
Вести

Активни 3327 случаи со Ковид-19, апел да се почитуваат мерките без исклучок

Скопје, 11 август 2020 () – Во последните неколку недели во земјава се бележат трицифрени бројки на заразени од Ковид-19. И покрај мерките за носење маска и држење дистанца, како и воведените протоколи, епидемијата не […]

Вести

Партиите се уште без договор за ново парламентарно мнозинство и влада

Скопје, 11 август 2020 () – Лидерите на СДСМ и ДУИ, Зоран Заев и Али Ахмети, на вчерашната средба не постигнаа договор околу формирањето на нова влада, сепак, како што истакнаа, разговорите ќе се продолжат […]

Британски експерт смета дека коронавирусот ќе циркулира најмалку до 2021 година - МИА
Вести

Уште 109 случаи со КОВИД-19, еден починат и 422 оздравени

Скопје, 10 август 2020 () –  Министерството за здравство информира дека во последните 24 часа се направени 762 тестирања, а регистрирани се 109 нови случаи на Ковид-19 во: Скопје-20, Куманово-16, Штип-13, Прилеп-1, Тетово-3, Струга-2, Велес-4, […]