Влада: Партнерскиот однос со Советот на странски инвеститори е гарант за создавање амбиент за профит, економски раст и подобар стандард на вработените


Во Стопанската комора на Македонија денеска се одржа уште една сесија од редовните работни средби на компаниите членки на Асоцијацијата на странски компании со технолошки напредно производство во рамки на Советот на странски инвеститори со претседателот на Владата на Република Северна Македонија Зоран Заев.

На средбата, на која присуствуваа и министерката за финансии Нина Ангеловска, министерот за економија Крешник Бектеши, директорот на Царинската управа Ѓоко Танасоски и Софче Јовановска, шефица на кабинетот на заменик претседателот на Владата задолжен за економските ресори Кочо Анѓушев, беа презентирани на решенијата и текот на остварувањето на некои од предлог-препораките за унапредување на бизнис климата креирани од компаниите од ТИРЗ и индустриските зелени зони нотирани на претходната работна средба, соопшти владината прес-служба.

На денешната средба претставниците на компаниите со странски капитал во ТИРЗ-овите во нашата земја, како и оние надвор од зоните покажаа интерес за измени во неколку области, особено во делот на даночната сфера и понудија свои решенија за кои претставниците на владата истакнаа дека ќе бидат земени предвид.

Во делот на усогласување со царинските стапки на ЕУ, како една од сугестиите што дојдоа од страна на Советот на странски инвеститори, беше укажано дека во овој момент обврска на Република Северна Македонија е да ја усогласува Царинската тарифа со измените во ЕУ само во делот на системот на имиња на стоката, системот на нумеричко означување, единечните мерки, како и забелешките кон соодветните оддели и глави, односно не се врши усогласување во делот на царинските стапки, и дека тие обврски земјата ќе ги има по пристапувањето во членство кога ќе се применува Царинската тарифа на ЕУ.

Претставниците на Асоцијацијата на странски компании со технолошки напредно производство во рамки на Советот на странски инвеститори, на средбата покажаа интерес за примената на одредбите за субвенционирање на придонесите за здравствено и социјално осигурување за делот од платата зголемена за 6.000 денари, како и за некои аспекти од легислативата што ги покрива работните односи.

Премиерот Заев упати апел работодавачите да ја следат и да земат учество во јавната расправа за новиот предлог на Закон за работни односи и низ заедничка дебата на Економско-социјалниот совет со синдикатите и Владата, да се стигне до најдобри решенија за сите засегнати страни, стои во соопштението.


Вести

Шести ден по ред коронавирусот „ги урива“ светските берзи

Шести ден по ред на светските берзи продолжува агонијата на пад на цените на акциите бидејќи брзото ширење на коронавирусот влијае врз инвеститорите да почнат да распродаваат различни активи и своите вложувања да ги насочуваат […]

Вести

Операторите од понеделник на полноќ нема да реемитуваат ТВ канали, оставаат простор за решение

Здружението на информатичко-комуникациските технологии, кое ги обединува сите оператори, денеска донесе заклучок да го прекине реемитувањето на сите домашни и странски ТВ канали на 2 март, вечерта на полноќ. Исклучок ќе бидат каналите на јавниот […]

Вести

Природниот прираст негативен

Природниот прираст во земјава во четвртиот квартал од 2019 година е негативен и изнесува минус 49, односно за толку бројот на живородените деца е помал од бројот на умрените лица, објави Државниот завод за статистика. […]