Преку кампањата која се вика „Ние сме Европа“, која ќе се спроведува пред уставните измени, за кои засега нема мнозинство, ќе се убедуваат граѓаните дека исполнувањето на условите е пат кон посигурна иднина. Вицепремиерот за евроинтеграции, Бојан Маричиќ, тврди дека ова е историска шанса, а со средбите ќе помогне за членство во ЕУ. Прашан дали ваквите кампањи се задоцнети, тој одговори конкретно, туку посочи дека целта е граѓаните да дадат поддршка. Маричиќ кажа кампањата дека чини 80 илјади евра, односно 5 милиони денари, а ќе заврши крајот на септември.

„Во рамки на напорите на Владата на Република Северна Македонија да ги оствари стратешките цели и да ја приближи целта за влез во ЕУ, Владата ќе организира серија на настани во осум градови во граѓаните. Кампањата ќе се вика ‘Ние сме Европа’. Кампањата ќе се реализира во Скопје, Струмица, Охрид, Прилеп, Тетово, Штип и Куманово. Секаде ќе има тематски настани со кои ќе ги покриеме најважните теми кои што врз основа на нашите анализи ги интересираат граѓаните“, кажа Маричиќ.

Активностите ќе започнат во Скопје на 30. август како официјален старт на кампањата и ќе се зборува на тема економија, а ќе го отвори премиерот Димитар Ковачевски.

„Активистите ќе значат средби со граѓански организации и целни групи со кои сакаме да ги дискутираме европските вредности. Во секој град истиот ден ќе има и трибина отворена за присуство на сите граѓани. Целта е да се претстават придобивките од брзото членство во ЕУ, неопходните реформи и начините како членството во ЕУ ќе го зајакне идентитетот“, додаде Маричиќ.

Функционерите ќе зборуваат и ќе одговараат на прашања од граѓаните.

„Членството во ЕУ носи можности и да придонесе за сериозен развој. Последните пораки од високите европски претставници се јасни и прецизни. На нас останува да работиме со граѓаните. Интеграцијата во ЕУ не само што ги засилува реформите туку ја чува традицијата“, кажа тој.

За оваа цел е снимен и спот.