Пратениците од Беса ќе присуствуваат на средбата за законот за јавното обвинителство



– Пратеникот Фадил Зендели од Беса денеска изјави дека ќе приуствува на средбата на работните групи за законот за јавно обвинителство, но, како што кажа, тие се поканети со задоцнување во овие работи и обвини дека договорот што го имале со поранешниот премиер Зоран Заев пред носењето на уставните измени не е испочитуван.

-Поканети сме со задоцнување. Обично власта преговара со македонската опозиција ВМРО-ДПМНЕ и кога таму нема да успее мисли дека сме машинерија за гласање, кога тие имаат потреба од 80 гласови, тогаш ќе можат со нас. Ние имаме наши забелешки по однос на законот за обвинителство кои ќе ги искажеме. Сакам да ги потсетам граѓаните и Владата на договорот што го имавме, пратениците од Движењето Беса со премиерот и тогашната Влада, пред уставните измени и до ден денес, поранешниот премиер денес претседател на СДСМ нема преземено ништо по однос на тој договор. Очекувам тој во оваа насока да преземе конкретни мерки за да можеме и ние како политичка партија и како пратеници да го дадеме нашиот придонес по однос на законот и подобрување на законот за јавно обвинителство, рече Зендели.

Нивните забелешки се посебно во делот на надзорот на работата на обвинителството.

– Ние секогаш носиме добри закони но немаме надзор за спроведување на тие закони. Знаеме какво судство имаме и како не оценуваат сите и во оваа насока треба конкретни мерки. Веројатно би настапиле и во амандамнската расправа, рече Зендели.

Состанокот на работните групи е во 16 часот во Собранието.


Вести

Дневен преглед на состојбата со Ковид-19 во светот

Според последните податоци, досега во светот 33.951.767 лица биле заразени со новиот коронавирус. Како резултат на Ковид-19, починале 1.014.644 пациенти, а се опоравиле 25.217.358 лица. Во последните 24 часа во Германија се регистрирани 1.798 нови […]

Вести

Објавени распореди на часовите за наставата на МРТ

Учениците кои немаат ИТ-уреди за да следат онлајн-настава преку платформата, часови ќе  гледаат на Македонската радио-телевизија на која секој ден ќе бидат прикажувани 15-минутни видеа за секој наставен час. Часовите ќе почнуваат во 8.30 часот […]

Вести

Регистрирани 194 новозаразени, починаа 2 лица

Во последните 24 часа се направени 1697 тестирања, а регистрирани се 194 нови случаи на ковид-19 во: Скопје-77, Куманово-9, Дебар-3, Штип-5, Прилеп-11, Тетово-16, Струга-3, Велес-5, Битола-6, Охрид-2, Кавадарци-3, Гостивар-5, Гевгелија-1, Струмица-9, Крива Паланка-3, Радовиш-6, Кочани-10, […]