Министерот Димитров во дводневна работна посета на Атина

Министерот за надворешни работи на Република Северна Македонија, Никола Димитров, денеска ја започнува дводневната работан посета на Атина, по поканата од поранешниот  шеф на грчката дипломатија Никос Коѕијас за учество на академска конференција по повод 20-годишнината од постоењето на катедрата за меѓународни и европски студии на атинскиот Универзитет Пиреас, јави дописничката на МИА од Атина.

Димитров, како што соопштуваат од МНР, денеска ќе има куртоазна средба со претседателот на грчкиот Парламент, Никос Вуцис, додека пак утре напладне ќе се обрати на конференцијата „Грчката надворешна политика во 21 век“.

Министерот за надворешни работи ќе има обраќање на панелот „Трансформацијата во Југоисточниот Медитеран“, заедно со поранешните министри за надворешни работи на Република Бугарија и Република Албанија, Даниел Митов и Дитмир Бушати.

Во рамките на работната посета на Атина, предвидена е билатерална средба на Димитров, со неговиот грчки колега Јоргос Катругалос.

Поканата до Димитров да учествува на конференцијата, ја откри, уште на крајот од минатата година поранешниот шеф на грчката дипломатија, Никос Коѕијас во интервјуто за МИА.

-Мојата катедра за меѓународни и европски студии подготвува конференција во март за 20 годишното постоење. Тоа е најголемата катедра за меѓународни и европски студии во цела јужна Европа и во целиот Медитеран, и за 4 години откако јас започнав како министер за надворешни работи и го поканивме да дојде на 15 и 16 март, да дојде, на последната тркалезна маса на која ќе разговараме за иднината на Балканот. На катедрата имаме и добри експерти за Балканот, ќе поканиме и од Солун добри слависти. Се надевам ќе дојде, рече тогаш Коѕијас во разговорот со дописничката на МИА од Атина.


Бизнис

Протест на технолошкиот вишок на „Еурокомпозит“- По две години ништо не е решено

Работниците прогласени за технолошки вишок кои се уште чекаат да им бидат исплатени отпремнините од прилепската компанија „Еурокомпозит“ денеска се собра на протест во центарот на Прилеп. Тие бараат одоговор за состојбите во фирмата и […]

Бизнис

Лани без објавување оглас склучени 596 договори во вредност од 33 милиони евра

Големи тендери, намалена конкуренција, склучени договори без објавување оглас, раст на бројот на поништени тендери, се дел од клучните наоди на мониторингот на јавните набавки спроведени во периодот јули-декември 2018 година. Во извештајот на Центарот […]

Вести

Комплетиран кабинетот на претседателот Пендаровски

Претседателот Стево Пендаровски, го комплетираше составот на својот кабинет. Генерален секретар ќе биде Миле Бошњаковски, кој досега ја извршуваше функцијата портпарол на Владата, додека шеф на протокол ќе биде Билјана Мицевска. Одговорна за односи со […]