Мицкоски потврди дека од надлежниот во МВР барал да се реши случајот „Теретана“


Мицкоски: Избори не може да има до 30 јули, ако Владата сака да исполни дел од мерките од вториот и третиот сет - МИА

Скопје, 22 мај 2020 () – Лидерот на опозициската ВМРО-ДПМНЕ Христијан Мицкоски денеска потврди дека го побарал надлежното лице во МВР за случајот „Теретана“ и оти побарал да се почитува законот и побрзо да се реши случајот со цел македонската јавност да биде точно запознаена со вистината.

Телефонскиот број го побарал од министерот за внатрешни работи Наќе Чулев и инсистирал, како што кажа, тоа да биде кадар поставен од претходниот министер за да не се испостави дека тие нешто злоупотребуваат во МВР.

-Откако го добив бројот од надлежното лице, му пратив порака со содржина: Здраво, би сакал да се слушнеме, Христијан Мицкоски. И таа порака јас ја чувам. Потоа, конкретното лице ми се јави и го замолив сѐ да биде според закон и побрзо да се реши овој случај. Бидејќи сметам дека сум следен, прислушуван, еве ги охрабрувам да го објават разговорот и македонската јавност да ја слушне вистината, рече Мицкоски на прес-конференција одговарајќи на новинарско прашање.

Мицкоски потенцираше дека бара разговорот да биде објавен за јавноста да види што навистина разговарал тој со надлежниот во МВР, притоа наведувајќи дека нема намера никого да тужи.

-Нема да тужам никого, ниту човекот со кого разговарав, ниту техничката заменик-министерка, ниту МВР. Ве молам извадете го разговорот и нека види јавноста што е, бидејќи конструиравте таква ситуација, рече лидерот на ВМРО-ДПМНЕ.

Мицкоски кажа дека како јавна личност за него било очекувано да има конструкции од политичките противници.

Лидерот на опозицијата рече дека ќе се јавува секаде и секогаш за да се дознае вистината, како што направи околу превозот на македонските граѓани од странство на почетокот на епидемијата кога му се јавил на генералниот секретар на Владата Драги Рашковски.

Мицкоски потврди дека се познава со Александар Верушевски, синот на Зоран Верушевски кој е советникот за безбедност во Владата, кој тајно го снимал Зоран Заев летото пред четири години.

-Да, се познавам со Александар Верушевски. Тој е грижлив родител и посветен сопруг. И она што можеби е значајно да го знае македонската јавност – тој е и голем патриот, рече Мицкоски на прес-конференција.


Дваесет нови случаи со Ковид -19, вкупно 1.694, оздравени 24 пациенти, тројца починати - МИА
Вести

Активни 470 случаи на заболени со Ковид-19, најмногу во Скопје

Скопје, 29 мај 2020 () – Поминаа два дена откако целосно е укинат полицискиот час во земјава, по посебни протоколи отворени се кафулињата и рестораните и дел од вработените се вратија на нивните работни места. […]

Неизвесни датумот за избори и продолжувањето на вонредната состојба - МИА
Вести

Неизвесни датумот за избори и продолжувањето на вонредната состојба

Скопје, 29 мај 2020 () – Советот за безбедност в сабота на пладне во претседателската вила „Водно“ ќе одлучува за евентуалното продолжување на вонредната состојба. Сабота е последниот ден кога истекува третата – двонеделната вонредна состојба […]

Набрзо нов пристап до инфективната клиника, ПЕТ центарот ставен во функција - МИА
Вести

Новите 24 случаи со Ковид-19 во Скопје се од општините Бутел, Сарај, Чаир, Аеродром, Студеничани, Гази Баба, Шуто Оризари, Кисела Вода и Карпош

Скопје, 28 мај 2020 () – Од вкупно дијагностицираните нови 38 случаи со Ковид-19, според денеска објавените податоци, 24 се од Скопје. Како што информираа за од Министерството за здравство, согласно податоците од Институтот за […]