Мицкоски од Охрид: Да одбереме обнова, да ја вратиме гордоста на Македонија


Мицкоски бара Пендаровски да свика лидерска средба - МИА

Охрид, 24 јуни 2020 () – Убеден сум во мудроста на народот, во поддршката што ќе ја добиеме. Да одбереме обнова, да ја исправиме Македонија, да ја спасиме од хибридниот режим. Тоа меѓу другото го истакна Христијан Мицкоски, претседателот на ВМРО-ДПМНЕ пред граѓаните на Охрид, на првиот предизборен митинг пред предвремените парламентарни избори закажани за 15 јули.

– Земјата ни е понижена, омаловажена, Македонија е држава каде македонецот се чуствува како граѓанин од втор ред. Држава во која за жал нема вредности, туку невредности, каде неправдата и невистината царува. Напроти нас, пред вас ќе дојдат луѓе кои ќе ве лажат в очи велејќи дека можеле. Бесрамно пред граѓаните ќе кажат дека можат, да направат она што не направија. А направија само една работа, го исполнија ветувањето дадено во 2008 година кога Зоран Заев рече да ја свиткаме кичмата, истакна меѓу другото Мицкоски.

Според лидерот на ВМРО-ДПМНЕ, власта во земјата можела многу да направила земјата да биде заложник на бруталната светска пандемија, но светот излегува од епидемијата, а Македонија не само што не излегла туку, како што рече, се моли за помала дневна статистика заболени. Реалноста, според него, е Македонија како рекордер по бројот инифицирани, по бројот луѓе кои го губат животот.

Опозицискиот лидер истакна дека одбива да живее во мрачната реалност на земјата под власта на СДСМ, и затоа ќе работи за да ја смени таквата реалност, Македонија да биде модерна европска земја, држава мајка за секого.

Тој се осврна на програмата на Коалицијата „За обнова за Македонија“, истакнувајќи дека на повеќе од 300 страници ВМРО-ДПМНЕ нуди можности за напредок, за прогрес, за излегување од економското сивило…

– Имаме програма „Проект обнова“ изработена од домашни и меѓународни експерти, партиски но и неопределни луѓе, материјал со кој излегуваме пред граѓаните и ја бараме нивната поддршка, за да си ја обновиме Македонија. Стоиме зад секоја буква, зад секој збор, пасус…Тој проект следните четири години ќе биде реалност во обновена наша, визионерска Македонија, рече Мицкоски.

Тој презентираше делови од програмата, ветувајќи намалување на невработеноста под десет проценти за четири години, повисоки плати во образованието, здравството, покачени пензии, реновирани болници, завршување на ветените инфраструктурни проекти, бесплатен приклучок за гас до секој дом, спречување на процесите на одлив на мозоци…

Пред охриѓани се обрати и носителот на листата на Коалицијата предводена од ВМРО-ДПМНЕ во 5 изборна единица Игор Дурловски, кој најави дека токму од Охрид започнува борбата против апатијата, походот кон обновување на вредностите.

– Овие избори се референдум за иднината на Македонија. Тие се шанса да им кажеме на Заев, Шекеринска, Димитров и СДС што мислиме за се што направија досега. Македонија го доживеа своето најголемо национално предавство. Три години бевме сведоци на распродавање на државата, на историски реконструкции на нашата меморија, на негации и уцени…рече Дурловски, најавувајќи дека после рекетот, реваншизмот, коруптивните скандали, нефункционалниот здравствен систем, опустошената економија граѓаните се пред шанса да одберат промени, со забелешка дека проблемите не може да ги решава оној што ги создал.

Тој најави дека во програмата на ВМРО-ДПМНЕ е предвидено завршување на автопатот Охрид – Кичево, нови авионски линии што ќе го поврзат Охрид со светот, магистрален гасовод Битола – Ресен – Охрид – Струга, сет мерки за развој на туризмот, нов театар во градот, проекти со долгорочна визија. аб/

 


Нови 29 позитивни на КОВИД-19 од 349 тестирања во изминатите 24 часа - МИА
Вести

Нови 74 случаи со Ковид-19, тројца починати, 90 оздравени пациенти

Скопје, 3 август 2020 () – Во последните 24 часа се направени 689 тестирања, а регистрирани се 74 нови случаи со Ковид-19 во: Скопје-14, Куманово-8, Штип-13, Струга-1, Кавадарци-3, Гостивар-22, Кочани-1, Берово-3, Виница-4, Свети Николе-3, Кичево-2. […]

Џафери ќе ја води конститутивната седница - МИА
Вести

Џафери ќе ја води конститутивната седница

Скопје, 3 август 2020 () – Претседателот на Собранието во заминување Талат Џафери утре ќе претседава со конститутивната седница на Собранието, потврдија од неговиот кабинет. -Претседателот Џафери излезе од болница и е во многу добра […]

Ковид-19 најризичен за постарите лица, почитувањето на мерките клучно за нивна заштита - МИА
Вести

Ковид-19 најризичен за постарите лица, почитувањето на мерките клучно за нивна заштита

Скопје, 3 август 2020 () – Ковид-19 предизвикува поголема смртност кај лица на возраст над 60 години и кај лица со основни медицински состојби, како што се кардиоваскуларни заболувања, хронична респираторна болест, дијабетес и карцином. […]

Биди првиот кој ќе коментира

Вашиот коментар

Твојата е-маил адреса нема да биде објавена.


*