Мицкоски: Централниот комитет едногласно го одби мојот предлог за свикување на вонреден конгрес


– Централниот комитет едногласно го одби мојот предлог за свикување на вонреден конгрес на кој што нема да се кандидирам и со тоа ми даде полн легитимитет да продолжам да раководам со ВМРО-ДПМНЕ, Игор Јанушев се повлече од местото Генерален секретар на партијата, а Вело Марковски нов член на Извршниот комитет, изјави вечерава лидерот на ВМРО-ДПМНЕ Христијан Мицкоски.

Посочи дека на вечерашната седница на Централниот комитет имале отворена дискусија за неговото речиси тригодишно управување со партијата.

– Јас на сопствено барање поднесов предлог за свикување на вонреден конгрес на кој што нема да се кандидирам. Централниот комитет, откако ја напуштив салата, го одби едногласно моето барање и не се согласи со ваквиот предлог. Со тоа ми даде полн легитимитет да продолжам да раководам со ВМРО-ДПМНЕ, изјави Мицкоски.

Предложив, посочи тој, нов состав на Извршниот комитетет, кој го сочинуваат потпретседателите Александар Николовски и Владимир Мисајловски, поранешниот пратеник Иван Иванов, како и членовите кои по функција се дел – претседателот на Унија на млади сили Сергеј Попов и координаторот на пратеничката група Никола Мицевски.

– Останатите членови на ИК се Гордана Димитриевска Кочовска, која беше заменик технички министер во Министерството за финансии. Рашела Мизрахи, која едно време беше технички Министер за труд и социјала. Стефан Андоновски, кој досега беше советник во мојот кабинет. Марија Андоновска, докторант на стоматолошкиот факултет. Олга Лозановска, доктор и пратеник во Собранието. Понатаму Дафина Стојановска, која и досега беше член, Вело Марковски, Трајко Славевски, Владимир Ѓорчев, Драган Ковачки, Коце Трајановски, Кирил Пецаков и Антонио Милошоски, изјави Мицкоски.

Поради лични причини, нагласи тој, се повлече досегашниот генерален секретар на партијата Игор Јанушев.

– Во наредниот период ИК ќе биде проширен и со нови членови, нов генерален секретар, нов претседател на Унија на жени и нов претседател на Унија на ветерани. ВМРО-ДПМНЕ е столбот на државноста на Македонија. ВМРО-ДПМНЕ има една единствена цел, а тоа е победа на мафијата, неправдите и злото наречено власт на Зоран Заев, изјави Мицкоски.

Нагласи дека проблемот не е Христијан, туку ВМРО-ДПМНЕ, кое е дел од македонскиот идентитет и целта е тој да биде урнисан, за многу полесно да се урне и куќата.

Најави дека ќе продолжат протестите и во наредниот период, за кои, рече дека се елементарно право.

– За се што не се согласуваме ние имаме право да протестираме и ќе продолжиме да протестираме. Се додека овие самобендисани мафијаши во владата мислат дека се знаат ВМРО-ДПМНЕ заедно со граѓаните ќе продолжи да протестира, изјави Мицкоски.


Усвоена одлуката за бројот на попретседатели на Собранието - МИА
Вести

Опозицијата бара надзорна расправа за „Еуростандард банка“ во Собранието

– Пратеничката група на ВМРО-ДПМНЕ денеска до Собранието ќе достави барање за спроведување на надзорна расправа за утврдување на причините и извршувањето на законите во постапката за доведување до стечај на „Еуростандард банка“. Иницијативата е […]

Вести

Нови ковид мерки – Угостителите ќе работат до 23 часот, администрацијата од дома, а јавниот превоз со преполовен капацитет

– Угостителските објекти ќе работат до 23 часот, државната администрација треба да го организира работењето од дома или во смени, а капацитетот на јавниот превоз ќе се ограничи за 50 отсто. Ова се дел од […]

Вести

Угостителските објекти ќе работат само до 23 часот

Владата на денешната 13-та седница ги разгледа и прифати препораките на Комисијата за заразни болести да се ограничи работно време на сите угостителски објекти до 23 часот, освен оние што вршат испорака, како и да […]

Биди првиот кој ќе коментира

Вашиот коментар

Твојата е-маил адреса нема да биде објавена.


*