Меркел: Условот за исплати од буџетот на ЕУ за земјите-членки не е таен


– Не се точни сугестиите дека барањето за почитување на владеењето на правото беше тајно воведено во предлозите за следниот буџет на Европската унија поради забелешките на некои лидери, изјави денеска германската канцеларка Ангела Меркел.



Одговарајќи му на унгарскиот премиер Виктор Орбан, кој минатата недела го обвини Европскиот парламент за додавање на одредбата дека плаќањата во ЕУ може да бидат замрзнати доколку земјите не ги исполнат минималните стандарди за владеење на правото, Меркел рече дека тоа била намерата уште од самиот почеток.

– Сакам целосно да разјаснам дека не е точно дека идејата за условување на буџетот е донесена на мала врата, рече германската канцеларка.