Јункер му испрати писмо со честитка на Пендаровски

Претседателот на Европската Комисија, Жан Клод Јункер, му испрати писмо со честитка на новоизбраниот шеф на македонската држава, Стево Пендаровски, јави дописничката на МИА од Брисел.

Јункер му ја честита победата на Пендаровски во име на целата Европска Унија.

-Ја користиме оваа прилика за да ја потврдиме уште еднаш недвосмислената поддршка на Европската Унија за европската перспектива на Западниот Балкан, пишува Јункер.

Понатаму тој го охрабрува новиот претседател на Северна Македонија да го продолжи реформскиот пат кон ЕУ на одржлив начин, со оглед на тоа дека овој процес се заснова на заслуги, потсетува шефот на Европската Комисија и го уверува Пендаровски дека земјата ја има „апсолутната поддршка“ на ЕК за неговите напори во таа насока.

-Европската Унија смета дека Преспанскиот договор е извонреден политички успех, тој е круцијален чекор на вашиот пат кон Европската Унија, оценува Жан Клод Јункер и повторува дека тој претставува модел за помирување за целиот регион.

Европската Комисија му посакува успешен претседателски мандат на Пендаровски и очекува и натаму да соработува со Северна Македонија за градење обединета и просперитетна Европа, стои во писмото на Јункер до Пендаровски. 


Вести

Европски избори: Различни правила од земја до земја

Секоја држава членка на Европската унија сама ги одредува правилата за изборите за Европскиот парламент. Кој кога гласа ? Британците и Холанѓаните гласаат во четврток на 23 мај, Ирците на 24 мај, Летонците, Малтежаните и […]

Вести

Нови рочишта за „Триста“, „Титаник“ и „Тарифа“ на СЈО

Во Кривичниот суд во Скопје за денеска се закажани рочишта за предметите на Специјалното јавно обвинителство „Триста“, „Титаник“ и „Тарифа“. Во „Триста“ обвинет е поранешниот помошник министер за внатрешни работи Ѓоко Поповски за злоупотреба на […]

Вести

Пробни прелети за потребите на НАТО мисијата „Air Policing“

Со два прелета во воздушниот простор на Република Северна Македонија изутринава од 7:30 до 9:30 часот ќе се изврши првиот пробен прелет за потребите на НАТО мисијата „Air Policing“ (чување на воздушниот простор). Прелетот ќе […]