Изгласан Законот за младинско учество и младински политики


Собранието на денешната 130-та седница со 60 гласови „за“ и еден „против“ го изгласа Законот за младинско учество и младински политики, чија цел, како што стои во документот, е зајакнување на учеството на младите во процесите на креирање на политики, поттикнување на волонтерство, младинскиот активизам и младинската работ, како и личен, професионален и социјален развој кај младите.

Со новиот закон Владата и општините се обврзани да донесат стратегии за млади со посебни акциски планови, а општините се задолжуваат и да формираат канцеларии за млади и младински центри и да одредат службеник за млади кои ќе бидат посебни сервиси за младите кои произлегуваат од законот.

Во рок од пет години секоја општина треба да овозможи функционирање на најмалку еден младински центар на територијата на општината, а во рок од една година од влегувањето во сила на овој закон треба да се воспостави истражувачки центар за различни теми поврзани со младите во рамките на Агенцијата за млади и спорт.

На носењето на законот му преходеа дискусии за Законот организирани низ повеќе македонски градови, а беа консултирани и младинските организации. За потребата од носење на овој закон имаше консензус од партиите на власт и опозицијата.

На денешната седница, претеникот Влатко Ѓорчев истакна дека откако „шарените револуционери“ преземаат активности за младите, земјата станала, како што рече, држава на стари лица, на што пратеничката Ивана Туфегџиќ, која е меѓу предлагачите на законот, реплицираше дека цели две години се работело на изготвување на текстот, посочувајќи дека воопшто и нема закон за млади лица.

Со 74 гласови „за“ на денешната седница беше изгласан и Законот за материјално обезбедување на невработените лица поради приватизацијата на претпријатијата со доминантна сопственост на државата, со што се овозможува материјално обезбедување на лица на кои им престанал работниот однос по основ на стечај, ликвидација или технолошки вишок во периодот од 1 јануари 1993 до 3о јуни 2019 година во претпријатија со доминантна сопственост на државата или по нивна приватизација, доколку не го промениле единствениот матичен број на субјектот, а во случај на промена истите да произлегуваат од претпријатието со доминантна сопственост на државата.

Материјално ќе се обезбедат лицата кои со претходните законски решенија имале возраст помалку од 52 години (жена), односно 55 години ( маж), како и лица на кои им престанал работниот однос во периодот од 1 јануари 1993 година до 30 јуни 2019 година.

Собранието ја изгласа и верификацијата на мандатот на пратеничката Емилија Трајковска, која доаѓа на местото на Невенка Стаменковска-Стојковски.


Дерковски: Им честитам на граѓаните, изборниот ден помина одлично, со мали исклучоци - МИА
Вести

ДИК: Одѕивот до 20:45 часот 50,86 проценти

– До 20:45 часот на гласање на денешните парламентарни избори излегле 922.678 граѓани со право на глас, односно одѕивот е 50,86   проценти, објави вечерва Државната изборна комисија. Обработени се податоци од 3.466 од 3.480 гласачки места. […]

Дерковски: Изборниот ден минува мирно, со мали спорадични инциденти, без нарушувања на изборниот процес - МИА
Вести

Дерковски: Изборниот ден минува мирно, со мали спорадични инциденти, без нарушувања на изборниот процес

Скопје, 15 јули 2020 () – Излезноста со оглед на целата ситуација е задоволителна, оцени попладнево претседателот на Државната избона комисија (ДИК) Оливер Дерковски на прес-конференција. До 17 часот според податоците на ДИК на гласање […]

Вести

До 17 часот во Охрид гласале 41, во Струга 30 и во Дебрца граѓани 44 отсто од гласачите

Охрид, 15 јули 2020 () – На предвремените парламентарни избори до 17 часот во Охрид на гласање излегле 41,7 отсто од лицата со право на глас. – Гласањето се одвива непречено и без проблеми, граѓните […]