Груби – Тицињски: Успешно сработени ЕУ задачи во Собранието 


Претседателот на Комисијата за европски прашања на Собранието на РМ Артан Груби, денеска се сретна со полскиот амбасадор во Македонија Војчех Тицињски, соопштуваат од Комисијата за европски прашања.

На средбата, Груби го потенцираше значењето на заокружување на решението на прашањето за името со Република Грција, по објавувањето на ратификуваниот договор во Службениот весник на земјата. Исто така, информираше за сработените задачи што Собранието ги направи неодамна, како што е донесувањето на Законот за борба со корупција и судирот на интереси,  реформите во безбедносниот сектор и законите од областа на правосудството, што го поминаа првото читање и се во Собраниска процедура.

Како значаен чекор напред, во исполнувањето на политичките критериуми за влез во Европската унија, Груби го посочи и влегувањето во сила на Законот за употреба на јазиците, со што се заокружи имплементацијата на ОРД, што е во насока на подобрување на правата на албанците во државата.

Од Комисијата за европски прашања информираат дека Амбасадорот го повторил ставот на Полска, во однос на прашањето за проширувањето на ЕУ, дека ги поддржува политиките на проширување и оти земјите од Западен Балкан треба да се приклучат во ЕУ. За претстојниот самит, што во рамки на Берлинскиот процес, годинава, ќе се оддржи во Полска, изрази надеж оти ќе се испрати сигнал дека Западниот Балкан наскоро ќе биде во ЕУ и во таа насока ќе се фокусира на промовирање на стабилност, економски развој, зголемување на животниот стандард и економска соработка и безбедност.

Во однос на поддршката за Македонија на патот кон ЕУ и Нато, истакна дека таа нема да изостане, и дека двете земји имаат одлични односи на сите полиња. Во тој контекст го поздрави значителното зголемување на стопанската размена по 2016 година, како и директната линија меѓу Скопје и Варшава.

Заедничка констатација беше дека на земјата и претстојат многу обврски, што ќе произлезат по почетокот на преговорите по поглавјата, при што беше истакнато дека преговорите, во врска со земјоделските политики, се едни од најтешките и најобемните, за што Полска е подготвена да даде секаков вид на поддршка, се наведува во соопштението.

Вести

По 100 години Германија воведува воени рабини

Германската влада денеска донесе одлука да  врати рабини во воена служба по повеќе од 100 години, како што беше предложено претходно од централниот Совет на Евреите. „Денеска ние дадовме важен пример на нашите еврејски војници“, […]

Вести

ВМРО-ДПМНЕ најави амандмани на Законот за јазиците, партиите на Албанците против негова измена

Пратеничката група на ВМРО-ДПМНЕ најави дека многу скоро ќе поднесе амандмани на Законот за употреба на јазиците, со кои, како што велат од партијата, ќе значат негово усогласување со препораките на Венецијанската комисија. Претседателот на […]

Вести

Илиевски најави кривична за Инспекцискиот совет зашто не постапил по одлуката на Антикорупциска

Инспекцискиот совет кој е формиран од Владата работи контра Антикорупциската комисија во однос на донесената одлука за поведување дициплинска постапка против главниот просветен инспектор Африм Салиу. Тоа е незаконито, несовесно и непрофесионално работење на претседателката […]