Фазлиу: До крајот на годината се очекува општините да ги исплатат долговите

До крајот на јуни се очекува општините да ги завршат преговорите со доверителите, а до крајот на годината да ги вратат долговите. Општините имаат обврска да објават и детален извештај за редоследот на исплаќање на долговите.

Министерот за локална самоуправа Сухејл Фазлиу денеска повторно побара од градоначалниците да бидат одговорни и транспарентни во трошењето на јавните пари.

–  Кога некој ќе ви пружи рака за да ви помогне во тешка ситуација, треба средствата да бидат искористени одговорно за да не оставите впечаток кај граѓаните дека правите некаква злоупотреба бидејќи тоа ќе ве оштети вас како градоначалници, но ја оштетува и Владата и општеството, истакна Фазлиу, одговарајќи на прашање по денешната прес-конференција во Владата.

Во однос на набавката на луксузни автомобили во општина Струга, министерот најави посета на оваа општина и средба со градоначалникот Рамиз Мерку со цел лично да се информира за целата ситуација.

–  Ако постои некаква одговорност за Струга, тогаш граѓаните треба да ја бараат од претставниците на Советот на општината затоа што колку што сум јас информиран набавката поминала и на Совет каде била изгласана од мнозинството. Тие можеле да забележат дека ако се работи за луксузирање, во тој момент да ја стопираат таа постапка, рече Фазлиу.

Владата им додели средства на општините со цел да им помогне да исплатат 51 процент од долговите што ги имаат.


Вести

Демократски дебати неделава во САД – прва предигра за изборите во 2020 година

Пред милиони Американци неделава на првите демократски дебати ќе се појават на едно место речиси дваесетмина кандидати во трка за номинирање претстедателски кандидат од Демократската партија на изборите следната година. Иако застапуваат различна идеологија – […]

Вести

Прифатено барањето на Јанкулоска за одложување на затворската казна за „Тенк“

На поранешната министерка за внатрешни работи Гордана Јанкулоска и е прифатено барањето да и се одложи четиригодишната затворска казна за случајот „Тенк“. Како што соопшти денеска Основниот кривичен суд – Скопје, извршувањето на казната се одложува се […]

Вести

Заменик-министерот за образование Петар Атанасов поднесе оставка

Заменик-министерот за образование и наука Петар Атанасов на својот фејсбук-профил во отворено писмо до премиеот Зоран Заев и до јавноста соопшти дека поднесува оставка од функцијата. Како што вели, неговата позиција станува „неодржлива и неефективна“ […]