ЕК одблиску ги следи разговорите за датум за избори


ЕК одблиску ги следи разговорите за датум за избори - МИА

Брисел, 19 мај 2020 () – Европската Комисија (ЕК) одблиску ги следи разговорите помеѓу политичките партии за одредување датум за парламентарните избори, јави дописничката на од Брисел.


 

– Од блиску ги следиме разговорите во Скопје помеѓу политичките лидери. Разговорите треба да продолжат за земјата да може да организира избори и да се справи целосно со последиците од кризата со Ковид-19, рече на прашање на , портпаролката на Европската Комисија за проширувањето, Ана Писонеро.

Извори во институциите на ЕУ за велат дека неизвесноста околу изборите би можела да влијае и врз објавувањето на преговарачката рамка, која официјално се очекува во текот на идниот месец. Овие документи би можеле да се одложат до септември, посебно доколку има било каков застој во Скопје и Тирана.

Според повеќе дипломатски извори, сѐ поизвесно станува и дека редовните извештаи за напредокот на земјите од регионот ќе бидат одложени за наесен, иако официјална потврда ЕК за сега одбива да даде.

Останува прашањето дали преговарачките рамки за Албанија и Северна Македонија сепак би биле објавени во јуни. Извештаите и рамките не мораат да бидат објавени во исто време.