Честитка од Николовски до припадниците на српската заедница по повод празникот Свети Сава


Генералниот секретар на Социјалдемократскиот сојуз на Македонија, Љупчо Николовски по повод празникот Свети Сава, упати честитка до сите припадници на српската заедница во Северна Македонија и до сите граѓани кои го слават денешниот празник.



„Во име на Социјалдемократскиот сојуз на Македонија и во мое име упатувам срдечни честитки за денешниот празник Свети Сава на сите вас кои го празнувате и ви пожелувам добро здравје и спокоен живот.

Нашиот заеднички дом, нашата заедничка татковина е непроценливото богатство на традиции, култури и различности каде припадниците на српската заедница даваат важен и континуиран придонес.

Овие вредности на меѓусебното разбирање, почитување и помагање што ги негуваме нека бидат поттик и водилка, секој од нас секојдневно да работи посветено во градењето на еднакво општество на еднакви, слободни и среќни граѓани.

Да оставиме пример и за следните генерации како се почитува традицијата на меѓусебни односи што е силна вредност на нашата заедничка татковина.

Имајте убав празничен ден! Нека е за многу години!“ стои во честитката на генералниот секретар на СДСМ, Љупчо Николовски.

 

СДСМ
Центар за комуникации со јавноста