Централниот комитет на ВМРО-ДПМНЕ одржа седница на која се разговараше за актуелната политичка ситуација


Вчеравечер Централниот комитет на ВМРО-ДПМНЕ одржа седница на која се разговараше за актуелната политичка ситуација.

Централниот комитет ја анализираше политичката и економската ситуација, при што членовите се согласија дека според сите параметри државата тоне на економски план и се соочуваме со колапс. Додека сите земји од регионов и Европа бележат значителен раст на економијата и драстично намалување на невработеноста, неспособноста на СДСМ се рефлектира со катастрофални резултати кои одат на товар на граѓаните. Порастот на бруто домашниот производ на крајот на годината не е ниту во позитива, што уште еднаш докажува дека Владата е заталкана и води погубни економски политики.

Владеењето на правото е загрозено и воопшто не се подобрува ситуацијата со правосудниот систем. Веќе четврти месец се во притвор уставобранителите, а осудените криминалци кои ги ослободија СДСМ шетаат на слобода.

Криминалот и корупцијата во државава стануваат официјална политика, а полицијата не презема никакви чекори за справување. Затоа Македонија е рекордер во падот на листата на интернационалната Транспаренси и се наоѓа во друштво на земји од централна Африка.

После девет месеци владеење, граѓаните се сведоци на десетици лаги и неисполнети ветувања од предизборниот период. Со секој изминат ден се потврдуваат сомненијата дека функционерите на СДСМ или свесно ги лажеле граѓаните или се целосно неспособни да реализираат било што од ветеното во текот на кампањата. Катастрофата е иста и на локално и на централно ниво.

Претседателот на ВМРО-ДПМНЕ, Христијан Мицкоски, најави дека народот се соочува со сериозни проблеми, а власта е глува и одбива да ги слушне и решава. Затоа во наредниот период ќе отпочне теренски средби со граѓаните низ целата држава, се со цел да ги слушне маките и сугестиите на граѓаните, за потоа да се понудат програмски решенија на истите.

ВМРО-ДПМНЕ и понатака стои на ставот дека во преговорите со Република Грција не треба да се задира во идентитетот, јазикот и Уставот, бидејќи тоа ќе биде погубно за нашата држава.

Во однос на кадровските прашања, досегашниот член на Извршниот комитет Златко Перински е назначен за шеф на кабинетот на Претседателот Христијан Мицкоски, со што беше констатиран престанокот на неговиот мандат во Извршниот комитет.


Бојан Јовановски поднесува повеќе кривични пријави во ОЈО Скопје - МИА
Вести

Бојан Јовановски во ОЈО Скопје ќе продолжи со поднесувње кривични пријви

Скопје, 3 јули 2020 () – Бојан Јовановски, кој е осуден во предметот „Рекет“, денеска  повторно ќе биде спроведен во Основното јавно обвинителство Скопје за да заврши со поднесувањето кривични пријави на записник. Јовановски на […]

Новиот позитивен на КОВИД-19 во Кавадарци, син на претходно заболен - МИА
Вести

И натаму висок бројот на новозаразени, надлежните апелираат на почитување на мерките

Скопје, 3 јули 2020 () – Нови 173 потврдени со КОВИД-19 од 1.650 тестирања, од кои најголем дел 75 се од Скопје, беа регистрирани вчера во земјава. Починаа и досега најголем број пациенти – 15. […]

На десеттина дена пред изборите, политичките партии со различни ветувања пред граѓаните - МИА
Вести

На десеттина дена пред изборите, политичките партии со различни ветувања пред граѓаните

Скопје, 3 јули 2020 () – Ветувања за правна држава, нулта корупција, за повисоки плати, вложувања во здравството, инфраструктурата, економијата и земјоделството, во младите и поддршка за занаетчиството испорачаа политичките субјекти во земјава на десеттина […]

Биди првиот кој ќе коментира

Вашиот коментар

Твојата е-маил адреса нема да биде објавена.


*