Ангеловска: Ќе го забрзаме растот на земјава со примена на дигиталните технологии


Сите можеме само да го забрзаме растот на нашата земја доколку ги примениме дигиталните технологии, дигиталните алатки во сите области во живеењето, тоа е една од целите што ќе се обидувам да ја туркам сега од Министерството, порача денеска министерката за финансии Нина Ангеловска на отворањето на „Фреја форумот“ во Собранието.

– Јас сум многу наклонета кон дигиталната технологија, дигитализацијата и користењето на дигиталните технологии во Владата, секаде каде што тие можат да додадат вредност, а верувам дека тоа е во сите сектори, рече министерката.

Таа верува дека дигитализацијата е решение за многу проблеми, додавајќи дека сите ние можеме да се справиме со предизвиците да се решат проблемите користејќи ја технологијата.

Регионалниот директор од Шведскиот синдикат за домување Јохан Пелинг се надева дека „Фреја проектот“ ќе има позитивен импакт во процесот на демократизација во Европа, особено во земјите од Западниот Балкан.

Додаде дека овој викенд дискусиите, мрежите, семинарите и работилниците ќе завршат со одлични спомени, со нови знаења и пријателства.

На „Фреја форумот“ учесниците викендов ќе говорат за предизвиците на дигитализацијата, како да се зголеми демократијата користејќи ги дигиталните алатки, како да се надмине јазот во однос на родовата рамноправност со користење на дигитализацијата, како дигиталните иновации можат да го поддржат одржливиот развој.

Форумот се одржува секоја година во различни земји каде доаѓаат истакнати говорници и експерти од различни области за човекови права, демократија, родова еднаквост, животна средина, претприемништво, дигитализација.


Уште шест дена претставување на изборните понуди на партиите пред граѓаните - МИА
Вести

Уште шест дена претставување на изборните понуди на партиите пред граѓаните

Скопје, 7 јули 2020 () – Остануваат уште шест дена политичките партии и коалициите кои ќе учествуваат на предвремените парламентарни избори на 15 јули да ги претстават своите изборни програми пред граѓаните. Кампањата завршува на […]

Носењето заштитна опрема на носот и устата е задолжително, забрането е групирање на повеќе од две лица - МИА
Вести

Зголемен бројот на заразени и во соседството, можни се нови мерки на границите

Скопје, 7 јули 2020 () – Вкупно 78 случаи на Ковид-19 беа регистрирани во текот на вчерашниот ден. Иако бројката е значително помала во однос на претходните недели, сепак надлежните предупредуваат дека есенските денови се […]

Вести

ДСКС ќе одлучува за неколку приговори доставени од ВМРО-ДПМНЕ и Коалицијата

Скопје, 7 јули 2020 () – Државната комисија за спречување на корупцијата (ДКСК) денеска ќе ја одржи 32. седница на која ќе разгледа неколку приговори поднесени од ВМРО-ДПМНЕ. Комисијата, како што е најавено, ќе разгледа […]