„Афтонбладет“: Постигнат договор за формирање нова влада на Шведска


Социјалдемократската работничка партија (САП) на вршителот на должноста шведски премиер Стефан Ловен постигна договор со Партијата на центарот и Либералите за формирање нова Влада на Шведска, предводена од лидерот на социјалдемократите, со што е најден излез од политичкиот ќорсокак во кој западна земјата по изборите одржани лани во септември, тврди во денешното издание весникот „Афтонбладет“.

На септемвриските избори, ниту еден од двата големи блока – левоцентристичкиот предводен од САП на Ловен и десноцентристичкиот на чело со конзервативната Умерена партија (М), не обезбедија мнозинство во Парламентот, со што Шведска повеќе од четири месеци е без нова влада.

Партијата на центарот (Ц) и Либералите (Л) досега беа дел од блокот предводен од конзервативците на Улф Кристершон, но одбија да ги поддржат неговите обиди за формирање малцинска влада, која би зависела од поддршката на екстремо десничарската и антимигрантска партија Шведски демократи (СД).

Според „Афтонбладет“, новата влада на Ловен би била малцинска составена од неговата САП и Еколошката партија на зелените (МП), но при нејзиниот избор би била поддржана од центристите и либералите.

Весникот сепак посочува дека засега е неизвесно дали сите пратници на Партијата на центарот и на партијата Либерали, би го поддржале ваквиот договор.

Информациите на „Афтонбладет“ за постигнатиот договор засега официјално не се потврдени од ниту една од посочените партии. Партијата на центарот не била достапна за коментар, а портпаролите на Либералите и на социјалдемократите одбиле да ги коментираат тврдењата на весникот.

Вести

Законот на ЈО во август, ако се постигне консензус

Владата вчера на седница го усвои Предлог-законот за Јавното обвинителство и донесе одлука да биде испратен на усвојување во Собранието со европско знаме и во скратена постапка. На предлог на Министерството за правда Владата прифати […]

Вести

Хан и Рикер доаѓаат во Скопје на средби со државниот врв и со опозицијата

Еврокомесарот за проширување Јоханес Хан утре доаѓа во Скопје на средби со државниот врв и со лидери на политички партии. Хан ќе се сретне со претседателот Стево Пендаровски, со премиерот Зоран Заев и со лидерот […]

Вести

Јанева негира вмешаност во „Рекет“, тврди дека некој со сите сили сака да го урне СЈО

Специјалната обвинителка во оставка Катица Јанева вчера на прес-конференција негираше дека е вмешана во случајот „Рекет“. Обвини дека против неа и нејзиното семејство се води хајка уште од самото стапување на функцијата, со цел нејзина […]