Отворен Филмскиот фестивал во Кан


Со премиерата на комедијата „Мртвите не умираат“ на американскиот режисер Џим Џармуш, синоќа беше отворен 72. Меѓународен филмски фестивал во Кан. Жирито овојпат го предводи мексиканскиот режисер и оскаровец – Алехандро Ињариту.

Во зомби-комедијата, глумат Адам Драјвер, Бил Мјури и Тилда Свинтон.

Отворањето на Фестивалот го обележа и страсниот говор на Ињариту за плановите на американскиот претседател Доналд Трамп за изградба на ѕид на границата со Мексико, индиректно споредувајќи ги со нацистичката реторика од 30-тите години во 20 век.

Забележтелно беше и празното столче со натпис „Агнес В” (за Варда), во чест на француската филмска режисерка родена во Белгија, која почина во март годинава, на 90 години. На отворањето беше изведена и песната „Without You“ од нејзиниот филм „Клео од 5 до 7″.

Свое деби на фестивалот ќе имаат и филмот на Квентин Тарантино – „Си беше еднаш во Холивуд“, како и биографскот филм за Елтон Џон, „Рокетмен“.

Лани во Кан, 82 жени протестираа поради нееднаквост на половите на славниот фестивалски црвен тепих, поради што уметничкиот директор Тјери Фремо вети поттикнување полова рамноправност.

Вести

Панчевски суспендиран, за Вангеловски одложено разрешувањето

Поранешниот судија на Кривичниот суд Владимир Панчевски, кој е обвинет за местење судски предмети, денеска е суспендиран од Судскиот совет на Република Северна Македонија. Советот не одлучуваше за разрешувањето на претседателот на Врховниот суд, Јово […]

Вести

Почина Драги Арсов, прв потпретседател на Собранието

По кратко боледување денеска на 82 – годишна возраст почина Драги Арсов, поранешен пратеник и прв потпретседател на Собранието. Роден е во 1937 година во Кочани. Завршил Факултет за политички науки. Драги Арсов е и […]

Вести

Завршуваат подготовките за „Пивофест 2019“

Завршуваат подготовките за утрешниот почеток на 17. „Пивофест 2019“.  Се поставува главната бина која до крајот на денот ќе биде готова, а се уредуваат и штандовите за пиво и скара. Фестивалот ќе трае од 18 […]