Жбогар најави нов проект „Чисто, како дома исто“


Амбасадорот на Европската Унија, Самуел Жбогар и раководителот на Одделот за соработка во Делегацијата на ЕУ, Никола Бертолини денеска престојуваа во Виница како дел од караванот „ЕУ за тебе“.

За време на посетата, амбасадорот Жбогар учествуваше на дебата со ученици од средните училишта за „Визијата на младите за Европската Унија“, а потоа се придружи на велосипедското родео, што како спортско-рекреативна активност ја организираа младите.

– Со учениците имавме одлична и многу интересна дискусија, а можам да кажам дека охрабрувачки е колку мудри млади луѓе има овде, колку тие се посветени на својот град и својата земја, визијата кон иднина и подобрувањето на состојбата во државата. Една од темите за кои разговаравме беше животната средина и токму од овде имам чест да најавам дека следната недела почнуваме со нов проект „Чисто, како дома исто“ со кој сакаме да ја подигнеме свеста кај граѓаните за важноста од чистата околина. Сметаме дека токму младите ќе бидат оние кои ќе го прифатат овој активизам и ќе се залагаат за одржување на животната средина, истакна евроамбасадорот Жбогар.

На работилницата со граѓаните, граѓанските организации и бизнис секторот од Виница и регионот, Никола Бертолини од Одделот за соработка во Делегацијата на ЕУ ги претстави фондовите што им стојат на располагање, при што даде насоки за нивна подобра употреба. Пртиоа, тој истакна дека се работи за корисни средби преку кои Унијата се доближува до општините и ги согледува нивните вистински потреби.

Градоначалникот на Виница, Ивица Димитров го запозна Жбогар со проектите што досега се реализирани во општината, а за кои финансиска поддршка била обезбедена од европските фондови. Исто така, се разговараше и за новите инвестирања, пред сè во инфраструктурата и образованието, и можноста соработката со ЕУ да продолжи и во тој правец.


НБ ја затвори Еуростандард банка, штедачите ќе бидат обесштетени - МИА
Бизнис

НБ ја затвори Еуростандард банка, штедачите ќе бидат обесштетени

Скопје, 12 август 2020 () – Народната банка денеска ја затвори банката Еуростандард АД Скопје поради неисполнување минимални законски услови за работење. Како што соопшти гувернерката Анита Ангеловска-Бежоска, затворањето на Банката воопшто нема да ја доведе […]

Нови 173 случаи со Ковид-19, починати 15, оздравени 150 пациенти - МИА
Вести

Нови 139 случаи со Ковид-19, еден починат, 239 оздравени пациенти

Скопје, 12 август 2020 () – Во последните 24 часа се направени 1.627 тестирања, а регистрирани се 139 нови случаи со Ковид-19 во: Скопје-30, Куманово-20, Дебар-2, Штип-15, Прилеп-1, Тетово-6, Струга-8, Битола-2, Охрид-3, Кавадарци-8, Гостивар-19, Гевгелија-1, […]

Преговорите за новата влада по Илинден, ЕУ очекува стабилна коалиција и силен Парламент - МИА
Вести

В петок, според СДСМ, Заев ќе го добие мандатот, Мицкоски за нови избори ако се исцрпат можностите за формирање влада

Скопје, 12 јуни 2020 () – На два дена до рокот за доверување на мандатот за состав на Владата, официјално нема договор меѓу партиите кои освоија најмногу пратенички места. Од СДСМ тврдат дека Заев е […]