Секогаш кога се открива криминал или злоупотреба, СДС се вадат дека се загрозува истрагата или дека се злоупотребува настанот, велат од ВМРО-ДПМНЕ.

„Испумпувањето на милиони од буџетот преку фиктивни фактури за поврат на ДДВ неможело да помине без знаење на власта. И кога ВМРО-ДПМНЕ обелодени, тие се вадат дека се попречува истрагата. Не постои сериозен криминал во изминатите 7 години за кој СДС не кажало дека се злоупотребува настанот и ниту еден не е расчистен. За нив најдобро е сите да молчат и никој да не зборува за криминалот кој го прават. СДС тврдеше дека се попречува истрагата за случајот со 200 пасоши издадени на криминалци, видовме како заврши со затвор за шалтерските работници наместо оставка на Спасовски. СДС велеше дека се злоупотребуваат Ласкарци и Беса Транс, гледаме до ден денес нема одговорност од никого. СДС апелираше да не се злоупотребува случајот со Тетовската болница за на крај кабелот да биде крив. Кога беа фатени во случајот Онкологија како профитирале на болни пациенти од рак, велеа да не се злоупотребува случајот, и еве 5 месеци никако да има одговорност за било кого, а криминалот е направен, жртви има, одговорност не. Нема скандал за кој СДС не се брани дека е злоупотреба на настан или попречување на истрага. И нема скандал кој во изминативе 7 години е санкциониран. Никогаш не било полошо. Важно е да ги поразиме“, пишува партијата.