Утре средба за африканската свинска чума, гости директорите на агенциите за ветеринарство од Бугарија и Србија


– Директорите на агенциите за ветеринарство на Бугарија и Србија, професори од факултетите за ветеринарна медицина и за земјоделски науки и храна, како и одгледувачи на свињи, утре ќе одржат заедничка средба во Скопје на која главна тема ќе биде африканската свинска чума.

Како што вели претседателот на Асоцијацијата на земјоделци, Ефтим Шаклев кој информира за средбата, состојбата кај нас засега е добра, болеста не е присутна, но мора да бидеме многу претпазливи.

-Утре ќе продискутираме за фактичката состојба која, генерално, кај нас е добра. Ние, сепак, имаме забелешки во однос на превентивните мерки што се преземаат. Депопулацијата на свињите не се спроведува, акцијата е прекината. Надлежените не го усвоија нашиот предлог ловот на дивите свињи да продолжи уште два месеца. Сега, практично, се оди само со зголемување на биосигурносните мерки на фармите, истакнува Шаклев за МИА.

Според него, цената на свинското жива мера не е променета. нема ниту намалување, ниту зголемување.

-Иако имаше услови за поскапување пред новогодишните празници, ние цената не ја зголемивме за да не им нанесеме дополнителен финансиски удар на граѓаните. Едноставно, не сакавме да ги оштетиме. Моментно, килограм свинско жива мера е 100 – 105 денари, нагласува претседателот на Асоцијацијата.

Според последните информации на Агенцијата за храна и ветеринарство (АХВ), во земјава нема африканска чума иако појава на болеста е регистрирана во Бугарија и Србија, а од неодамна се појави и во Грција.


Нови 29 позитивни на КОВИД-19 од 349 тестирања во изминатите 24 часа - МИА
Вести

Нови 74 случаи со Ковид-19, тројца починати, 90 оздравени пациенти

Скопје, 3 август 2020 () – Во последните 24 часа се направени 689 тестирања, а регистрирани се 74 нови случаи со Ковид-19 во: Скопје-14, Куманово-8, Штип-13, Струга-1, Кавадарци-3, Гостивар-22, Кочани-1, Берово-3, Виница-4, Свети Николе-3, Кичево-2. […]

Џафери ќе ја води конститутивната седница - МИА
Вести

Џафери ќе ја води конститутивната седница

Скопје, 3 август 2020 () – Претседателот на Собранието во заминување Талат Џафери утре ќе претседава со конститутивната седница на Собранието, потврдија од неговиот кабинет. -Претседателот Џафери излезе од болница и е во многу добра […]

Ковид-19 најризичен за постарите лица, почитувањето на мерките клучно за нивна заштита - МИА
Вести

Ковид-19 најризичен за постарите лица, почитувањето на мерките клучно за нивна заштита

Скопје, 3 август 2020 () – Ковид-19 предизвикува поголема смртност кај лица на возраст над 60 години и кај лица со основни медицински состојби, како што се кардиоваскуларни заболувања, хронична респираторна болест, дијабетес и карцином. […]